Endi 30 sáýirden keıin ótetin dodalardyń ýaqyty aýystyrylmaıdy. IWF atqarýshy keńesi Lozannada aýyr atletıka federasııa prezıdenti qyzmetin atqarýshy Ýrýsly Papandreanyń jetekshiligimen ótken ekikúndik otyrysta osyndaı sheshim qabyldandy.
Irikteý kezeńderine engizilgen ózgeris Halyqaralyq Olımpıada komıtetine maquldaýǵa jiberildi. Maquldanǵan jaǵdaıda irikteý kezeńi týraly tolyǵyraq habarlanatyn bolady.
2018 jyldyń 1 qarashasynda jańa irikteý kezeńi bastalǵanda sportshylar eń kem degende alty aılyq kezeńde alty jarysqa qatysýy tıis bolatyn. Atap aıtqanda, 2018 jyldyń qarashasynan 2019 jyldyń sáýirine deıin, 2019 jyldyń sáýirinen qazanyna deıin, 2019 jyldyń qarashasynan 2020 jyldyń sáýirine deıingi kezeńderge bólingen-di.
Sondaı-aq sportshylar álem chempıonaty men qurlyqtyq birinshilikterge de qatysý kerek bolatyn. Biraq koronavırýs indetine baılanysty naýryz-sáýir aılarynda bes qurlyqtyq birinshilik pen jastar arasyndaǵy álem chempıonaty ótpeı qaldy.
