Qazaqstan • 24 Naýryz, 2020

Qazaqstandyqtar Polshadan úılerine oraldy

295 ret

kórsetildi

1 mın

oqý úshin

Búgin, koronavırýs pandemııasy aıasynda álemdegi qolaısyz jaǵdaıǵa baılanysty bizdiń otandastarymyzdy Qazaqstanǵa qaıtarý boıynsha qabyldanyp jatqan sharalar aıasynda, Polshaǵa otandyq SCAT áýekompanııasynyń arnaıy charterlik reısi jiberildi. Bul týraly Syrtqy ister mınıstrliginiń baspasóz qyzmeti habarlady.

Egemen Qazaqstan

Qazaqstandyqtar Polshadan úılerine oraldy

Polsha bıligi engizgen rejım men shekarasynyń jabylýyna qaramastan, Varshavadaǵy Qazaqstan Respýblıkasynyń Elshiliginiń kúshimen qazaqstandyq jolaýshylardy otanymyzǵa qaıtarý týraly kelisimge qol jetkizilgenin atap ótken jón.

Bizdiń dıplomattarymyzdyń, Indýstrııa jáne ınfraqurylymdyq damý mınıstrligi qyzmetkerleriniń, sondaı-aq jergilikti bılik pen qazaqstandyq áýekompanııa ókilderiniń úılesimdi jumysy nátıjesinde ushýyn birneshe kún boıy kútip otyrǵan 207 jolaýshy Qazaqstanǵa sátti oraldy. Jolaýshylardyń basym bóligi Eýropada oqıtyn qazaqstandyq stýdentter bolyp tabylady.

Kúndiz-túni eńbek etip, óz densaýlyqtaryna tónip turǵan qaterge qaramastan otandastaryn rýhanı tózimdiliktiń jeke úlgisimen sergitkeni úshin bizdiń Varshavadaǵy áriptesterimizge alǵysymyzdy bildiremiz.