Aqtaý qalasyndaǵy №69 kolonııaǵa sottalǵandar arasynda týyp ketýi yqtımal búliktiń aldyn alý maqsatynda ásker engizildi. Bul týraly «Novostı.Mail.Ru» saıtynyń tilshisi habarlady.
«Sottalǵandardyń shamamen 60-qa jýyq týǵan-týystary kolonııanyń qaqpasy aldynda túngi saǵat 2-niń kezinde jınaldy. Bulardy buǵan jabyq mekemeden shalynǵan kóptegen qońyraýlar alyp kelgen», - dep málimdeıdi tilshi.
Týystardyń biriniń sózine qaraǵanda, Jańaózennen eki KamAZ kóligimen ishki ister áskerı qyzmetkerleri jetkizilgen. Olar kolonııada otyrǵandardyń qoldarynda tyıym salynǵan zattardyń bar-joǵyn teksermek eken.
Mundaı tekserýler kolonııada jıi ótip turady, biraq ol sottalǵandar arasynda ár joly osyndaı úlken qarsylyqqa tap bolady.
Al kolonııa ákimshiliginiń qyzmetkerleri mekemede qalyptasyp otyrǵan jaǵdaı jaıly aqparat berýden bas tartqan. Sottalǵandardyń týystary kolonııada ázirge bári tynysh ekenin aıtady.
Alaıda, munda ásker qyzmetkerlerdiń ákelingen deregin joqqa shyǵarý múmkin emes. «Ishki ister áskeriniń jaýyngerleri kolonııadan brondy jeletpen shyǵyp, KamAZ-darǵa otyrdy», - dep jazady budan ári tilshi.
Sultan Bozaıǵyr.
