Ala dopty serik etken fýtbol otanynyń ókili Djeıdon Sancho jas ári qymbat fýtbolshylardyń kóshin bastap tur. Anglııa jáne dortmýndtyq «Borýssııa» klýbynyń jartylaı qorǵaýshysyn CIES Football Observatory 198,5 mıllıon eýroǵa baǵalaǵan. Ekinshi orynǵa Sanchonyń komandalasy Erlıng Holand jaıǵasty. Norvegııalyq fýtbolshynyń quny – 101,5 mıllıon eýro. Úzdik úshtikti «Real» ókili Rodrıgo túıindedi. Brazılııalyq fýtbolshyny óz komandasynda kórigisi keletinder 88,9 mıllıon eýroǵa satyp ala alady.
Sondaı-aq eń qymbat jas fýtbolshylardyń reıtıngine Vınısıýs Jýnıor («Real») 73,9, Kallým Hadson-Odoı («Chelsı») 72,3, Ferran Torres («Valensııa») 55,2, Edýardo Kamavınga («Renn») 53, Meıson Grınvýd («Manchester Iýnaıted») 50,6, Fıl Foden («Manchester Sıtı») 50,4 jáne Moıze Kın («Everton») 46 mıllıon eýroǵa baǵalanǵan bolashaǵynan úmit kúttiretin talantty oıynshylar endi.
CIES kompanııasy reıtıngti fýtbolshylardyń jasyn, oıyn deńgeıin jáne klýbtyń qarjylyq múmkindikterin eskere otyryp jasaǵan.
