Atap aıtqanda, elimizdegi irgeli pedagogıkalyq oqý ornynyń ustazdary óz jazbalarynda stýdentterdiń tapsyrmalaryn tekserýin, oqý materıaldary men test tapsyrmalaryn onlaın túrde bilim alýshyǵa jetkizý sheberligin egjeı-tegjeıli jazyp otyrady.
Bul týraly Qyzdar ýnıversıtetiniń áleýmettik jelidegi resmı paraqshalarynda naqty aıtyldy.
Sonymen qatar bilim ordasynyń árbir stýdenti áleýmettik jelidegi óz paraqshasyna onlaın oqytý tehnologııasy boıynsha alǵan áseri týraly, sabaqqa daıyndalý barysy jaıly, oqytýshylardyń bilim berýi týrasynda jáne onlaın bilim alýdyń ózindik ereksheligi jaıynda pikirlerimen bólisip otyrmaq.
О́z kezeginde oqý ornynyń baspasóz qyzmeti arnaıy heshtegter arqyly jelide jarııalanǵan jazbalardy, beıne jáne foto materıaldardy saraptap, taldaý jasaıdy.
Osy oraıda aıta keteıik, Qazaq ulttyq qyzdar pedagogıkalyq ýnıversıteti qashyqtan oqytý tehnologııasyn paıdalana otyryp bilim berýdi tıisti deńgeıde atqaryp keledi.
«Ýnıversıtet 7 jyldan beri atalǵan tehnologııa boıynsha jumys isteıdi. Iаǵnı, bul – qashyqtan oqytý tehnologııasy boıynsha professor-oqytýshylardyń tájirıbesi bar degen sóz. Búginde ýnıversıtet aýmaǵyndaǵy ınternettiń jyldamdyǵy 305Mb/s. Ǵalamtor jelisine qosylǵan arnaıy kompıýterlik synyptar daıarlanǵan. Sonymen qatar bilim ordasyna tıesili barlyq jataqhanalardaǵy kompıýterlik synyptar da ınternetke qosylǵan. Qazirgi kúnde Qyzdar ýnıversıtetinde qashyqtan oqytý tehnologııasy arqyly 810 pán oqytylýda. Ol bakalavrıattyń 2879, magıstratýranyń 380 jáne doktorantýranyń 58 bilim alýshysyn qamtıdy», – dep atap ótti oqý ornynyń resmı ókili Jandar Asan.
