Bilim • 26 Naýryz, 2020

Mektep dırektorlary jazalandy

4227 ret kórsetildi

Mektep dırektorlarynyń tártiptik jazaǵa tartylýyna pandemııa kezeńinde muǵalimderdi jumysqa shyǵýǵa mindettegeýi sebep bolǵan.
Kóktemgi demalys ýaqytynda pedagogterdiń qashyqtan qyzmet etetini jáne eńbek aqysynyń tolyq saqtalatyny týraly buǵan deıin sóz etkenbiz.

COVID-19 juqtyrý qaýpin azaıtý boıynsha sharalardy kúsheıtý aıasynda qabyldanǵan Bilim jáne ǵylym mınıstriniń buıryǵyna sáıkes, 16 naýryzdan bastap elimizdegi barlyq pedagog kóktemgi demalys ýaqytynda qashyqtyq rejıminde jumys isteıdi. Alaıda keıbir mektep basshylary muǵalimderdi jumysqa shyǵýǵa mindettegen.

«Mundaı jaǵdaı, ásirese, Túrkistan jáne Almaty oblystarynda boı alǵany anyqtaldy. Ustazdardy jumysqa shaqyrtqan mektep basshylaryna tártiptik jaza qoldanyldy.

Pedagogter ádistemelik jáne kanıkýldan keıingi sabaqqa daıyndyq jumystaryn  qashyqtan atqarýy tıis. Sondaı-aq, pandemııa kezeńinde pedagogterdiń eńbek aqysy tolyq kólemde saqtalady, ıaǵnı úıden jumys isteý ustazdardyń aılyǵyna áser etpeıdi», delingen Bilim jáne ǵylym mınıstrligi baspasóz qyzmetiniń habarlamasynda.

Aıta keteıik, tótenshe jaǵadaı jarııalanǵan 16 naýryzdan bastap JOO men kolledjderdegi oqytýshylar da qashyqtan jumys isteýge kóshken bolatyn. Sondyqtan olar da pandemııa kezinde oqý ornyna qatynamaýy qajet. 

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar