«Qalada juqpaly provızorly jáne karantındik aýrýhanalarda 1156 adam jatyr. Onyń ishinde 80-i balalar. Sońǵy málimetterge sáıkes, Nur-Sultan qalasynda vırýs juqtyrýdyń 61 oqıǵasy tirkeldi. Onyń 20-sy 26 naýryz boıynsha tirkelgen faktiler», dedi Sáýle Qısyqova.
Onyń aıtýynsha, vırýs juqtyrǵan 20 naýqastyń 14-i qazir stasıonarda em qabyldap jatyr.
«Olardyń bir bóligi stasıonarda pnevmanııa kúdigimen ótkir JRVI-men jatqan naýqastar. Endi biri buryn tirkelgen adamdarmen baılanysta bolǵan azamattar. Sondaı-aq 25 naýryzda Nur-Sultan áýejaıyna ózge elderden ushyp kelgender bar. 6 adam Nur-Sultan qalasynyń turǵyndaryna monıtorıng jasaý barysynda tirkeldi», dedi ol.
Sondaı-aq ol qazir 4 naýqastyń densaýlyǵy turaqty aýyr jaǵdaıda ekenin aıtty.
«Qazirgi ýaqytta Nur-Sultanda 61 adamnan koronavırýstyq ınfeksııa tabylyp, stasıonarda em qabyldap jatyr. 4 naýqastyń densaýlyǵy turaqty aýyr jaǵdaıda. Olardyń ókpe qabynýy rastaldy jáne tynys jetispeýshiligi bar. Koronavırýstyq ınfeksııa boıynsha hattamaǵa sáıkes em-dom alyp jatyr. Qalǵan naýqastardyń jaǵdaıy qanaǵattanarlyq, eshqandaı shaǵym joq, dene qyzýy qalypty», dedi S. Qısyqova.
