Aımaqtar • 26 Naýryz, 2020

Mańǵystaý: Mas kúıde ekinshi ret kólik júrgizgen júrgizýshi qolǵa tústi

560 ret
kórsetildi
1 mın
oqý úshin

Byltyrǵy jyly 59 jańaózendik ishkilikti kúıde kólik basqaryp, júrgizýshi kýáliginen aıyryldy. 2019-dyń alǵashqy eki aıy men bıylǵy kórsetkishti salystyrǵanda 6 derekke az, delingen Mańǵystaý oblystyq polısııa departamenti baspasóz qyzmeti habarlamasynda.

Mańǵystaý: Mas kúıde ekinshi ret kólik júrgizgen júrgizýshi qolǵa tústi

Alaıda, masań kúıde kólik júrgizip, qujatynan aıyrylsa da rólge qaıta otyratyndar áli de kezdesedi. Sondaı qylmystyq faktiniń biri naýryz aıynyń 17-si kúni Jańaózende tirkeldi. Polıseıler júrgizýshini teksere kele ózimen birge qujattary joq, bir jyl buryn kólik quralyn basqarý quqyǵynan aıyrylǵandyǵy anyqtaldy. Narkolog dárigerdiń qorytyndysymen orta dárejeli mas ekendigi anyqtaldy.

Kúdikti QR QK-niń 346-babynyń 1-bóligimen quqyqbuzýshylyq jasady.

Bıyl memleket basshysy QR keıbir zańnamalyq aktilerine ózgerister men tolyqtyrýlar engizdi. Jańa zań jobasynda kórsetilgendeı buryn mas kúıinde kólik júrgizip, júrgizýshi kóliginen aıyrylǵandar ishkilikti kúıde rólge qaıta otyratyn bolsa, on jylǵa bas bostandyǵynan jáne ómir boıy kólik basqarý quqyǵynan aıyrylady.

 

Mańǵystaý oblysy