Premer-mınıstr Saýlıýs Skvernıalıs bıznesti múmkindiginshe qyzmetkerlerdi jumystan shyǵarmaýǵa shaqyrdy. Turaqtandyrý josparynda, atap aıtqanda, kompanııalardyń jumys oryndary men ótimdiligin saqtaýǵa 0,5 mıllıard eýro, densaýlyq saqtaý salasyna taǵy 0,5 mıllıard eýro qarastyrylǵan. Ortalyq bank arqyly jospardy qarjylandyrý 2,5 mlrd eýrony quraıdy. Ol tótenshe jaǵdaıda jumys isteıtin bıýdjettik uıymdardyń qyzmetkerlerine járdemaqy bólinetinin aıtty. Jospar kompanııalarǵa salyq tóleýdi keıinge qaldyrý nemese aıyppul tólemeı kelisimsharttyq kestege sáıkes salyqtardy qaıta bólý múmkindigin usynady. Jeke salyq tóleýshiler aıyppuldardan, ósimaqylardan bosatylyp, tólenbegen salyq tólemderin óndirip alý jónindegi is-sharalar toqtatylady.
ALMATY
