IKU-NYŃ TURAQTY О́KILDIGI AShYLDY

30 naýryzda Qazaqstan Respýb­lıkasynyń Islam Konferensııasy Uıymyndaǵy (IKU) Turaqty ókildigi óz jumysyn bastady. Bul qadam quramyna Eýropa, Azııa, Afrıka jáne Amerıkanyń 57 mem­leketi kiretin bedeldi ha­lyq­aralyq uıymmen bizdiń eldiń qarym-qatynasyn nyǵaıtýǵa baǵyttalǵan. О́kildiktiń ashylýy keler jylǵy Qazaqstannyń IKU-ǵa tóraǵalyǵy aıasynda erekshe mánge ıe. Sonymen qatar, bul sheshim Astananyń musylman álemi memleketterimen yntymaqtastyqty odan ári keńeıtýge naqty bel býǵandyǵyn ańǵartady. Atalǵan elder Qazaqstannyń halyqaralyq arenadaǵy bastamalaryn qoldap, bizdiń el aýmaǵyndaǵy áleýmettik-ekonomıkalyq jáne ınfra­qurylymdyq jobalardy júzege asyrýda aıtarlyqtaı qolǵabys etýde. Qazaqstannyń IKU-daǵy ókildiginiń basshysy bolyp Baqyt Batyrshaev taǵaıyndaldy. Sol kúni Turaqty ókildiktiń basshysy IKU Bas hatshysy, pro­fessor Ekmelledın Ihsan­oǵ­lýmen kezdesý ótkizdi. Kezdesý barysynda qazaqstandyq dıplomat áriptesine EQYU-nyń Is basyndaǵy tóraǵasy, Qa­zaqstan Respýblıkasynyń Memlekettik hatshysy – Syrtqy ister mınıstri Q.Saýdabaevtyń joldaýyn tabystady. Áńgime barysynda Ekmelledın Ihsanoǵlý Astananyń halyqaralyq arenadaǵy zor bedelin ataı otyryp, Qazaqstannyń atalǵan uıymdaǵy atqaryp jatqan jumysyna joǵary baǵa berdi. Sondaı-aq, 2011 jyly Qazaqstannyń IKU-ǵa tóraǵalyǵy kezinde uıymǵa jańa serpilis beretindigine senimin bildirdi. Sonymen qosa, IKU Bas hatshysy Qazaqstan men Túrkııa syrtqy saıa­sı vedomstvolary basshy­larynyń 2010 jyldyń 7-9 maýsymynda Ystambulda ótetin Azııadaǵy ózara yqpaldastyq jáne senim sharalary jónindegi keńestiń 3-shi sammıtine shaqyrýyn qýana qabyldady. Qazaqstandyq Turaqty ókil­diktiń ashylýy Saýd Arabııasy Koroldiginiń Jıdda qalasyndaǵy IKU shtab-páterinde 29-31 naýryzda ótken ekonomıkalyq, mádenıet jáne áleýmettik má­se­leler jónindegi Islam ko­mıs­sııasynyń 33-shi sessııasyna tus­pa-tus keldi. IKU Bas hatshysy sessııanyń ashylýynda sóılegen sózinde uıymnyń damýyna qatysty birqatar mańyzdy máselelerine toq­tala kele, Qazaqstan dıplo­matııasynyń arqasynda IKU men EQYU arasyndaǵy jaqsaryp kele jatqan yntymaqtastyqty qosh­tady. Atap aıtqanda, IKU Bas hatshysy 29-30 maýsymda Astana qalasynda ótetin ustanymdylyq pen kemsitpeý týraly EQYU konferensııasynyń mańyzyn atap ótti. Osy konferensııa sheńberinde eki uıymnyń ıslamofobııaǵa qarsy is-sharalar jónindegi birlesken semınaryn ótkizý josparlanýda. Qatysýshy memleketter ynty­maqtastyǵy jóninde keń aýqymdy máseleler talqylanǵan komıtet sessııasynyń jumysyna qazaq­standyq delegasııa belsendi qa­tys­ty. Sessııanyń qabyldaǵan qujattarynda IKU-nyń Qazaq­stannyń mádenıetaralyq jáne órkenıetaralyq únqatysýy jó­ninde, 7-shi Álemdik ıslamdyq ekonomıkalyq forýmdy 2011 jyly Astana qalasynda ótkizý jóninde, Semeı ıadrolyq polı­gonynan jáne Aral teńiziniń apatty kebýiniń saldarynan japa shekken aımaqtardy ekologııalyq jáne áleýmettik ońaltýǵa halyq­aralyq qoǵamdastyqtyń nazaryn aýdartý jónindegi jáne t.b. bastamalary qoldaý tapty. “Egemen-aqparat”.