Zertteýdiń basty maqsaty – qorshaǵan ortaǵa keri áserdi azaıtý men kómirsýtek resýrstaryn paıdalanýdyń tıimdiligin arttyrýǵa, sondaı-aq, áleýmettik jaýapty bıznesti júrgizýge yqpal etý.
«QMG» úsh jyl qatarynan ekologııalyq jaýapkershilik salasyndaǵy munaı-gaz kompanııalary ashyqtyǵy reıtıngisinde kósh bastap, ekologııalyq turǵydan Qazaqstannyń eń ashyq ári jaýapty kompanııasy ekenin kezekti ret dáleldep otyr. Kompanııa ekologııalyq jaýapty bıznesin jalǵastyryp, qorshaǵan ortany qorǵaýdy basqarý júıesin damytýda. Osy másele boıynsha barlyq múddeli taraptarmen dıalog júrgizýde. Jyldyq esep, Turaqty damý esep aıasynda kompanııanyń barlyq ekologııalyq qyrlary týraly málimetter jyl saıyn jarııalanyp turady, sondaı-aq ózekti aqparat kompanııanyń resmı saıtyna ornalastyrylady.
Budan basqa, «QMG»-nyń 17 enshiles kompanııasy (qatysý úlesi keminde 50%) arasynda jeke zertteý júrgizildi. Bul rette reıtıngke tek óndirýshi aktıvter ǵana emes, sonymen qatar óńdeý jáne tasymaldaý baǵytyndaǵy kompanııalar engizildi. Osy irikteýde birinshi oryndy «Intergaz Ortalyq Azııa» AQ ıelendi. Enshiles jáne táýeldi uıymdar arasyndaǵy reıtıng QMG»-nyń erikti bastamasy ekenin atap ótemiz. Onyń maqsaty enshiles uıymdardyń ekologııalyq ashyqtyǵyn jáne «ishki básekelestigin» arttyrý bolyp tabylady.
Zertteýdi BUU-nyń qorshaǵan ortany qorǵaý baǵdarlamasynyń (UNEP), CREON Capital jáne RF Ulttyq reıtıng agenttiginiń qoldaýymen Reseıdiń Dúnıejúzilik jabaıy tabıǵat qory (WWF) men KREON toby uıymdastyrdy. Osy jyly reıtıng óz aýqymyn keńeıtip Qazaqstan, Reseı jáne Ázirbaıjan kompanııalaryn qamtydy. Kelesi kezeńde О́zbekstan men Túrkmenstandy qamtý josparlanyp otyr.
Mańǵystaý oblysy
