Mańǵystaý oblysy ákiminiń nusqaýy boıynsha Aqtaý qalasy PB ýchaskelik polısııa ınspektorlary qalalyq ákimdik jáne prokýratýra ókilderimen birlesip bazarlardyń, saýda ortalyqtarynyń, qoǵamdyq oryndardyń jumysyna tekserý júrgizdi.
Azamattardyń qaýipsizdigin qamtamasyz etý úshin Qazaqstan Respýblıkasy Prezıdentiniń Jarlyǵymen adamdar kóp jınalatyn obektilerdiń qyzmeti shektelgen, ártúrli is-sharalar ótkizýge tyıym salynǵan.
Tótenshe jaǵdaıǵa baılanysty Mańǵystaý oblysy Polısııa departamenti bastyǵynyń birinshi orynbasary polısııa polkovnıgi Amangeldi Halmuradov jeke quram arasynda túsindirý jumystaryn júrgizip, naqty nusqaý berdi. Jumys toptary quryldy, onda olardyń árqaısysy jumys ereje normalaryn buzýdy anyqtaý boıynsha obektilerdi tekseredi.
Sondaı-aq, bul shara Jańaózen qalasynda da ótti.Adam kóp shoǵyrlanatyn aýmaǵy 2 myń sharshy metrden asatyn Jańaózendegi barlyq saýda oryndarynyń jumys ýaqyty shekteýli. Tekserý barysynda, Jańaózen qalasynyń mamandandyrylǵan ákimshilik sotynyń qaýlylarymen tótenshe jaǵdaı rejımin buzǵany úshin ákimshilik quqyq buzýshylyq týraly QR Kodeksiniń 476-babynyń 6) tarmaǵymen 4 tulǵa (ár qaısysy) 5 táýlikke ákimshilik qamaqqa alyndy, al 1 tulǵaǵa 10 aılyq eseptik kórsetkish mólsherinde aıyppul salyndy.Mundaı jumys kún saıyn jalǵasady.
Mańǵystaý oblysy
