Aqtaý qalasy aýmaǵynda qazirgi tańda 128 beınebaqylaý kameralar ornatylyp, jumys jasaýda. Qalalyq polısııanyń Jedel basqarý ortalyǵynyń kameralary qalanyń jandanǵan kóshelerin kórsetip tur, onyń ishinde jol qıylystar, aýlalar, teńiz jaǵalaý aımaǵy, qoǵamdyq oryndar.
Ashylǵan qylmystardyń ishinde urlyq derekteri de bar.
Máselen, Aqtaý qalasy Polısııa basqarmasynyń JBO-na dárihanada turǵan sadaqa jáshigin belgisiz er adam urlap ketkendigi týraly habarlama tústi. Kamera arqyly qaraý barysynda sýrettelgen er adamǵa uqsas kúdikti anyqtaldy. JBO-nyń nusqaýyna sáıkes polısııanyń keshendi kúshi jasaǵymen kúdikti tulǵa ustaldy. Osyndaı jáne osyǵan uqsas jaǵdaılar JBO qyzmetkerlerimen anyqtalady.
Ákimshilik quqyq buzýshylyq boıynsha aıtar bolsaq, beınebaqylaý kameralarynyń qatysýymen usaq buzaqylyq, alkogol ishimdigin ishý nemese mas kúıinde qoǵamdyq orynda júrý, qoǵamdyq oryndarda temeki tartý tyıymyn buzý, JJE, t.s.s. derekter anyqtalady.
Mańǵystaý oblysy
