Álemniń túrli elderinen 244 respondent qatysqan daýys berý nátıjesinde 693 upaı jınaǵan qazaqstandyq qaqpashy úzdik dep tanyldy. Ekinshi oryndy 673 upaı jınaǵan ıspanııalyq Hýanho ıelense, úzdik úshtikti brazılııalyq qaqpashy Gýıtta 655 upaımen túıindedi. Aıta keteıik, Igıta buǵan deıin bul syılyqty 2015, 2016 jáne 2018 jyldary da ıelengen bolatyn.
Al úzdik bas jattyqtyrýshy atalymynda Qazaqstan ulttyq quramasy men Almatynyń «Qaırat» klýbynyń bas bapkeri Kaka úzdik úshtiktiń qatarynan kórindi. «Barselona» (Ispanııa) bas jattyqtyrýshysy Andreý Plaza Alvares 689 upaımen bas júldeni jeńip alsa, Nýno Serjıo Dos Santos Dıas («Sportıng», Portýgalııa) 602 daýys jınap, ekinshi oryn ıelendi. Kakanyń enshisinde 492 upaı bar.
