Rýhanııat • 27 Naýryz, 2020

«Astana Operada» halyqaralyq teatr kúni onlaın toılanady

155 ret kórsetildi

Jappaı karantın álemniń túgel derlik sahnalyq alańdarynyń josparyn ózgertti. Alaıda, bul adamdardyń ónerge degen qyzyǵýshylyǵy toqtady degendi bildirmeıdi. Statıstıka kórsetkendeı, ınternet arqyly opera jáne balet klassıkasyn tamashalaý sany ondaǵan esege artqan.

Osyǵan oraı, elimizde de  teatr qoıylymdary mekenin aýystyryp, onlaın rejımge kóshti. 27 naýryz –  Halyqaralyq teatr kúnine oraı búgin  «Astana Opera» teatrynyń áıgili «Týrandot» operasy TENGRINEWS TV-den onlaın kórsetiledi. Budan bólek, jaqyn kúnderi #Bizbirgemiz jobasy aıasynda QR Mádenıet jáne sport mınıstrligimen uıymdastyrylǵan YouTube platformasynda «Astana Opera» ártisteriniń óner kórsetýi josparlanyp otyr.

Bıyl elordalyq ujym óziniń jetinshi kásibı merekesin atap ótedi. Ýaqyt-aǵzam alaqanyndaǵy osy az ǵana ýaqyt aralyǵynda teatr ujymy tarapynan qanshama tyń  dúnıe jasaldy. Mádenıet jáne sport mınıstrliginiń qoldaýymen ótken kóptegen gastrolder, sonyń ishinde álemdik týrne, ártisterdiń halyqaralyq baıqaýlardaǵy jeńisi, áıgili maıtalmandarmen spektaklderdiń qoıylymdary – osynyń bári halyqaralyq arenada «Astana Opera» brendin tanymal ári bedeldi etti.

«Astana Operanyń» úzdik spektaklderine Karnegı-holl, Parıj operasy, Meridian Hall Stadsschouwburg, De Doelen, Karlo Felıche teatry, Rım opera teatry, Valensııadaǵy Sofııa patshaıymnyń óner saraıy, Maskattaǵy Koroldik opera teatry, Marıın teatry, «Sankt-Peterbýrg Opera» teatry, D.A.Hvorostovskıı atyndaǵy Krasnoıarsk memlekettik opera jáne balet teatry, Memlekettik Kreml saraıy, Á.Naýaı atyndaǵy MAÚT jáne basqa da teatrlardyń ónersúıer qaýymy laıyqty baǵasyn berdi.

Búginde «Astana Operanyń» repertýary kórnekti ulttyq kompozıtorlardyń shyǵarmalaryn – M.Tólebaevtyń «Birjan – Sara», A.Jubanov pen L.Hamıdıdiń «Abaı», E.Brýsılovskııdiń «Qyz Jibek» operalaryn, Ǵ.Jubanovanyń «Qaragóz» baletin qamtıdy. Al álemdik klassıka 30-ǵa jýyq ataqty spektakldermen usynylǵan.

Repertýardyń qalyptasýyna óner álemindegi aıtýly tulǵalar – bas dırıjer – Alan Bóribaev pen balet trýppasynyń kórkemdik jetekshisi – Altynaı Asylmuratova zor úlesin qosyp keledi.

«Astana Operanyń» barsha shyǵarmashylyq ujymynyń zor maqtanyshy – alǵash ret A.Jubanov, L.Hamıdıdiń «Abaı» operasy úshin tabys etilgen Qazaqstan Respýblıkasynyń ádebıet pen óner salasyndaǵy Memlekettik syılyǵy boldy (2018). Bir jyldan keıin teatr qyzmeti «Jyldyń úzdik konserttik/teatrlyq alańy» atalymynda BraVo halyqaralyq kásibı mýzyka syılyǵymen marapattaldy.

«Astana Opera» spektaklderi  Franko Dzeffırellı, Iýrıı Grıgorovıch, Borıs Eıfman, Altynaı Asylmuratova, Andrıs Lıepa, Alan Bóribaev, Djankarlo del Monako, Per Lýıdjı Pıssı, Lorenso Amato, Lýka Ronkonı, Davıde Lıvermor, Raımondo Rebek  syndy ataqty sheteldik jáne otandyq mádenıet qaıratkerleriniń qoıylymynda; kórnekti  ssenograf Esıo Frıdjerıo  men  kostıýmder boıynsha sýretshi  – «Oskar» syılyǵynyń ıegeri Franka Skýarchapıno, sondaı-aq daryndy qazaqstandyq sýretshiler Sofıa Tasmaǵambetova, Pavel Dragýnov, Arasel Dosmuratovanyń qatysýymen kórermenin úzdiksiz qýantyp keledi.

Búgingi tańda teatrdaǵy tirshilik toqtaǵan joq, ǵımarat muqııat tazartylyp, zararsyzdandyrý jumystary jalǵasýda. Osylaısha, teatr ujymy klassıkalyq óner tabynýshylarymen kezdesýdi asyǵa kútýde.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar