Bul másele oblystyq ákimdikte de kóterilip, Jambyl oblysynyń ákimi Berdibek Saparbaev bul jumystardyń atqarylýyn synǵa alǵan edi. Jambyl oblystyq qurylys basqarmasynyń basshysy Jaıyqbaı Shaldarovtyń aıtýynsha, 2014-2018 jyldary bastalǵan 70 jobalyq-smetalyq qujat áli kúnge deıin ázirlenip bitpegen. Sondaı-aq, oblystyq energetıka jáne turǵyn-úı kommýnaldyq sharýashylyq basqarmasynyń basshysy Nurlan Aldamjarov ta sol sekildi 20 JSQ týraly baıandady.
«Jobalyq-smetalyq qujattardy daıyndaý merziminiń sozylýynyń basty sebebi – jaýapty memlekettik organdar tarapynan baqylaýdyń bolmaýy. Nege tıisti sharalardy qabyldamaısyzdar? 2013 jyldyń jobalaý-smetalyq qujattamasy qazir kimge kerek? О́ıtkeni, qurylys materıaldarynyń baǵasy, tehnologııasy men talaptary túbegeıli ózgerdi. Al, memlekettiń aqshasy jelge ushýda. Taǵy bir másele – smetany daıyndaý kezinde baǵany negizsiz kóterý. Mundaı tásil durys emes. Bıýdjet qarajatyna uqypty qaraý kerek. Ol úshin jańa tehnologııalardy engize otyryp, jergilikti materıaldardy paıdalaný mańyzdy», dedi Berdibek Saparbaev.
Sonymen qatar, ákim óńirdiń bas qurylysshysynyń jıynǵa daıyndyqsyz kelgenin de synǵa aldy. Shynynda da sol salaǵa jaýapty basshynyń atqara almaǵan jumysyn basqasy qalaı atqarady? О́zi bilmegendi ózge qaıdan biledi? Tıisti sala basshylarynyń da jaýapsyzdyǵy jumystyń júıesizdigine ákelip soǵady.
Jambyl oblysy
