Aımaqtar • 28 Naýryz, 2020

Aqtaý halqyn kókónis túrlerimen qamtý úshin 100 mln teńge bólingen

28 ret kórsetildi

Búgingi tańda Aqtaýda Úkimetpen bekitilgen birinshi kezektegi Áleýmettik mańyzy bar azyq-túlikke tapshylyq joq jáne baǵalary birqalypty. Árıne, naryqtyq ekonomıka bolǵandyqtan mindetti túrde +/- 5-10 teńgege deıin baǵanyń aýytqýlary bolyp turady. Bul týraly Mańǵystaý oblystyq QKO baspasóz qyzmeti habarlady.

Qalaǵa azyq-túliktiń 90 paıyzy syrttan, sonyń ishinde 50% Reseıden tasymaldanady. Qazirdiń ózinde óńirdegi barlyq kóterme saýda jetkizýshilerine azyq-túlik taýarlarynyń basym bóligi jańa baǵamen jetkizildi.

Mysaly, Reseıden taýyq eti 21%, qant 30%, kókónis ónimderi 15-20% ósimmen saýda oryndaryna keldi, sondaı-aq respýblıkamyzdyń basqa oblystarynan sıyr eti – 11%, kúnbaǵys maıy – 9%, kúrish –15%, qaraqumyq 15% ósimmen kelýde.

Áleýmettik mańyzy bar azyq-túlik taýarlarynyń baǵasyn turaqtandyrý maqsatynda, aǵymdaǵy jyly ákimdik, básekelestikti qorǵaý men damytý departamenti, saýda oryndary men kóterme saýda jetkizýshiler arasynda tórt jaqty memorandým jasaqtaldy. Osyǵan sáıkes, baǵanyń qymbattaýyna keshendi taldaý júrgizý úshin ókiletti organǵa tıisti hat joldandy.

Qala halqyn kartop, sábiz, jýa jáne qyryqqabatpen qamtamasyz etý úshin turaqtandyrý qorynan 100 mln teńge bólingen. Kókónisterdi tasymaldaý qyzmetin usynǵan bes kásipkermen «Kaspıı» ÁKK arqyly kelisim shart jasalǵan.

Mańǵystaý oblysy

Uqsas jańalyqtar