Vedomstvo basshysy qashyqtan oqytý júıesinde basqa damyǵan elderde de oryn alyp jatqan keıbir qıyndyqtardyń kezdesetinin jetkizdi. Iаǵnı muǵalimder men oqýshylar tehnıkanyń tapshylyǵynan, keıbir otbasynda múldem joqtyǵynan nemese ınternet baılanysynyń bolmaýynan qıyndyq kórýi múmkin. Al osyndaı kedergilerdi A.Aımaǵambetov ákimdiktermen birge sheshetinin aıtty.
– Prezıdent qashyqtan oqytýdy uıymdastyrý úshin barlyq qajetti sharalardy qabyldaýǵa tapsyrma berdi. Bul máseleler qazir erekshe baqylaýda. Ákimdiktermen birlese otyryp, mekteptegi kompıýterlerdi oqýshylar men muǵalimderge ýaqytsha paıdalanýǵa berý, tipti, qajet bolǵan jaǵdaıda, mektepterge qosymsha tehnıka (planshetter nemese kompıýterler) satyp alyp, olardy da ýaqytsha paıdalanýǵa berý máselelerin qarastyrýdamyz. Keıbir óńirler bul jumysty bastap ketti.
Epıdemıologııalyq ahýalǵa qaraı, shalǵaıdaǵy aýyldyq eldi mekenderde ornalasqan shaǵyn jınaqty mektepterde (80-ge jýyq bala oqıtyn) oqytýdy dástúrli formatta jalǵastyrý múmkindigin qarastyrýdamyz, taǵy bir márte atap aıtamyn – tek qarastyrýdamyz. Bul másele boıynsha túpkilikti sheshim áli qabyldanǵan joq, bul másele kanıkýl aıaqtalǵansha sheshiledi. Al ázirshe olar da qashyqtan oqytýǵa belsendi daıyndalýda, – dedi mınıstr.
