Batys Qazaqstan oblysynyń ortalyǵy – Oral qalasynda turatyn bir áıel budan 14 jyl buryn týǵan aǵataıyn baýyzdap óltirgenin moıyndady. Bul týraly «Ýralskaıa nedelıa» aptalyǵy habarlady.
Batys Qazaqstan oblysynyń ortalyǵy – Oral qalasynda turatyn bir áıel budan 14 jyl buryn týǵan aǵataıyn baýyzdap óltirgenin moıyndady. Bul týraly «Ýralskaıa nedelıa» aptalyǵy habarlady.
Tamyzdyń 20-sy kúni 31 jastaǵy bir áıel Oral qalasyndaǵy Shaǵan polısııa bólimine kelip, óziniń budan 14 jyl buryn týǵan aǵataıyn baýyzdap óltirgenin baıandap beredi. Polıseılerdiń sózine qaraǵanda, kelinshek 1999 jyldyń kókteminde, jasy 17-de kezinde óziniń 41 jastaǵy aǵaıynyń tamaǵyn pyshaqpen oryp jiberý arqyly óltirgen bolyp shyqty. Osydan keıin máıittiń ústine solıarka quıyp órteıdi. Qyz sosyn qańqany aýyldaǵy bir ájethananyń ishine aparyp tastaıdy.
Quqyq qorǵaýshylar boıjetkenniń nege mundaı qadamǵa barǵanyn da anyqtaıdy. Sóıtse, qyzǵa týǵan naǵashy bolyp keletin aǵasy sol kezde bularmen bir úıde turǵan eken. Sol kúni úıdegilerdiń bári bir jaqqa ketip qalady da, ekeýi ońasha qalady. Osynyń aldynda ǵana túrmeden bosap kelgen 41 jastaǵy erkek jas qyzǵa tıisedi. Osy arpalystyń kezinde qyz aǵasynyń tamaǵyn oryp jiberedi.
Kelinshektiń aıtýynan keıin polıseıler atalǵan oryndy baryp tekseredi. Lıvkıno kentindegi ájethananyń 1,5 metr tereńdiginen shynynda da adamnyń qańqasy shyǵady. Ol sosyn saraptamaǵa jiberiledi.
Polısııa jas áıeldiń qalypty ómir súrip jatqan adam ekenin de málimdep otyr. Onyń búginde 4 balasy bar. Ázirge oǵan eshqaıda ketip qalmaý sharasy qoldanylyp otyr.
Qylmystyq is tekserilip jatyr.
Qurysh NURYMBET.
