Máselen, Brıtanııalyq OneWeb kompanııasy bankrotqa ushyrady.Kompanııa ókilderi jaǵdaıdyń bulaı órbýine koronavırýstyń pandemııasyn aıyptap otyr.
OneWeb Nıý-Iork shtatynyń sotyna bankrot týraly ótinish túsirgen. Jyl basynan beri kompanııa kelissózder júrgizip, ǵaryshqa jer serigin shyǵarýdy josparlaǵan bolatyn. Atalǵan spýtnıkter álemniń alys túkpirlerin joǵary jyldamdyqty ınternetpen qamtamasyz etý kerek edi.
Alaıda kompanııa SoftBank bankimen kelisimge kele almaı, quıylýy tıis 2 mıllıard dollarǵa qol jetkize almaı qaldy. Basty sebep – Qytaıdan shyqqan koronavırýstyń jappaı taralýynan naryqtyń quldyraýy. Kelissózderdiń sátsiz aıaqtalýy kompanııaǵa ońaıǵa tıgen joq.
Josparǵa sáıkes, OneWeb-tiń 34 spýtnıgi 21 naýryzda «Baıqońyr» ǵarysh aılaǵynan «Soıýz-2.1b» zymyran tasyǵyshy arqyly kókke kóterildi. Bul ýaqytta SoftBank bir saǵat buryn ǵana mámilege kelýden bas tartqan-dy. Endi, ınvestısııasyz qalǵan OneWeb-tiń spýtnıkteriniń aldaǵy taǵdyry beımálim bolyp tur.
OneWeb jobasy 2027 jyly álemniń alys túkpirlerine joǵary jyldamdyqty ınternet jetkizýdi josparlaǵan-tuǵyn. Soǵan sáıkes, 684 spýtnık ǵaryshqa shyǵarylýy tıis edi. Joba avtory – Gýgldyń burynǵy qyzmetkeri Greg Ýaıler.
