Túrkistan oblysy - respýblıka boıynsha tarıhı-mádenı orynǵa baı óńirlerdiń biri. Munda 1600-den asa tarıhı jáne mádenı eskertkishter bar.
Oblys aýmaǵy tarıhı nysandarmen qatar, tylsym tabıǵatqa ıe. Qarataý jáne Aqsý-Jabaǵyly memlekettik tabıǵı qoryqtary, Saıram-О́gem ulttyq tabıǵı parki, Syrdarııa-Túrkistan tabıǵı aýmaqtyq parki ekotýrızmniń basty nysany ǵana emes, erekshe qorǵaýǵa alynǵan.
Koronavırýs ınfeksııasynyń keń taralmaýynyń aldyn alý maqsatynda qonaqúıler men meıramhanalar, hostelder, tamaqtaný oryndary, shıpajaılar jáne basqa da halyqtyń kóp shoǵyrlanatyn, týrıstik servıs usynylatyn oryndarda qatań túrde sanıtarlyq normaǵa saı zalalsyzdandyrý jumystary júrgizilýde. Jalpy Túrkistan oblysynda ornalastyrý oryndarynyń sany 219 nysandy quraıdy. Onyń ishinde qonaq úıler – 168, sanatorııler men profılaktorııler-51.
Kazirgi kezde Saryaǵash aýdanynda 47 shıpajaı ǵana jumys istep tur. 34 nysan tótenshe jaǵdaı oryn alganǵa deın joldama algan azamattarǵa qyzmet kórsetýde. Atalǵan nysandardyń barlyǵynda vırýsqa qarsy profılaktıkalyq-sanıtarlyq sharalar júzege asýda.
