Atalǵan mektepke aqtóbelik IT mamandary radıobaılanys júıesin pılottyq joba retinde engizgen. Radıobaılanys júıesi ınterneti joq aýyldy eldimekender úshin taptyrmas qural bolyp otyr.
Elimiz boıynsha alǵash júzege asyrylǵan pılottyq júıe oqýshylardyń qashyqtyqtan bilim alýyna múmkindik beredi. Oblys ákimi Ońdasyn Orazalın radıobaılanys arqyly oqýshylarmen tildesip, baılanystyń sapalylyǵyna kóz jetkizip kórdi. «Balalar, sizder 6-sáýirden bastap qashyqtan oqýdy bastaısyzdar. Sizderdiń sapaly bilim alýlaryńyz úshin biz bar múmkindikti jasaımyz. Elimizde qandaı jaǵdaı bolmasyn jastar bizdiń bolashaǵymyz ekenin umytpaımyz»,-degen óńir basshysy balalarǵa Covid-19 indetine baılanysty qashyqtan bilim alýǵa týra keletindigin túsindirdi.
Aýdan ákimi Mamyrǵalı Aqqaǵazov qazirde aýdandaǵy Bolgarka, Saryqobda, Amangeldi, Qarabulaq mektepterine osy baılanystyń asa qajetti ekendigin jetkizdi. Oblys ákimi IT mamandarǵa bilim basqarmasymen birige otyryp, oblys boıynsha mundaı radıobaılanystyń qansha aýylǵa qajettiligin anyqtaýdy tapsyrdy.
