Shynyn aıtý kerek, osynaý qýanyshty jańalyq jurttyń úmitin oıatyp, senimin bekite tústi. Bul máselede ásirese aq jeleńdi jandardyń eńbegi eren ekeni belgili. Qazirdiń ózinde 18 adam bul dertten aıyǵyp, aýrýhanadan shyqty.
«Dárigerlerge alǵysymdy bildiremin. Kúndiz-túni tynym tappastan eńbek etýde. Al búkil qazaqstandyqtardy karantınniń talaptaryn qatań saqtaýǵa shaqyramyn. Koronavırýspen oınaýǵa bolmaıdy. Jańalyqtarda aıtylyp jatqan resmı aqparattardyń barlyǵy ras. Infeksııa qarym-qatynas jasaý arqyly juǵady. Barlyq adamnyń otbasy, jaqyn aralasatyn kisileri bar. Alǵashqy kezde aýrýdyń belgileri bilinbeýi de múmkin. Sondyqtan árdaıym saq bolǵan jón» deıdi aýrýhanadan jazylyp shyqqan boıjetken.
«Men shetelden ushyp kelgendikten birden karantınge jatqyzdy. Qudaıǵa shúkir, qan taldamasy teris nátıje kórsetti. Karantın kezinde dárigerler únemi qasymda bolyp, qyzýymdy ólshep, psıhologııalyq túrde qoldaý kórsetip, barlyq kómekterin aıamady. Aýrýhanada naýqastarǵa jaqsy jaǵdaı jasalǵan. Kúnine bes márte tamaq beredi. Qazaqstanda osyndaı kásibı dárigerlerdiń bar ekeni meni qatty qýantty» deıdi taǵy bir jas jigit aǵynan jarylyp.
Shynynda koronavırýsty anyqtaý, naýqastardy emdeý jáne vırýstyń odan ári taralmaýy úshin aıanbaı eńbek etip jatqan aq jeleńdi jandarǵa qandaı alǵys aıtsa da jarasady.
