-Bizdiń ustazdar - «Nazarbaev Zııatkerlik mektepteri» DBBU qarasty Bilim berý baǵdarlamalary ortalyǵyna qarasty jobalyq toptyń múshesi. Vıdeosabaqtar ortalyq mamandarynyń tapsyrýy boıynsha túsirildi. Keıin ustazdar retinde birigip, josparǵa kiristik, deıdi aǵylshyn tili pániniń ekspert muǵalimi Asel Battalova.
Ustazdar sabaqty túsirýdi bıylǵy jyldyń aqpan aıynda bastaǵan. Búginde oqýshylarǵa arnalǵan 14 vıdeosabaq Vırýtaldy mektep saıtynda tur. Oqýshylar sabaqtardy kórý úshin saıtqa tirkelip jeke kabınet ashýy tıis.
Muǵalimderdiń aıtýynsha, ár sabaq jalpy bilim berý mektepteriniń oqý baǵdarlamasynyń bólimderine sáıkes oqý jáne bekitý materıaldarynan turady. Dárister vıdeosabaqtar, aýdıo/vıdeomaterıaldar, oqý quraldary túrinde berilgen. Oqýshy ózine yńǵaıly kez kelgený aqytta materıaldy ashyp, oqı alady. Al dıdaktıkalyq materıal alǵan bilimdi bekitý tapsyrmalarynan (testter, tapsyrmalar, jattyǵýlar), ony oryndaý algorıtmderi men jaýaptarynan turady.
- Qazirgi kezde kameraǵa sabaqty túsire salý qyzyqty emes. Balalarǵa qabyldaý jeńil ári kóńildi bolý úshin bizder kak Powtoon jáne iSpring Free Cam baǵdarlamalaryn anımasııa úshin qoldandyq, deıdi birneshe oqý baǵdarlamalarynyń avtory Asel Saǵynbekqyzy.
Esterińizge sala keteıik, Vırtýaldy mektep «Matematıka», «Qazaq tili», «Orys tili», «Aǵylshyn tili» pánderi boıynsha oqýdan ótýge, ótken taqyryptardy bekitýge arnalǵan tapsyrmalardy oryndaýǵa jáne onlaın formatynda qashyqtyqtan qorytyndy test tapsyrýǵa múmkindik beredi. Qorytyndy testileý boıynsha eń joǵary baldyń 50 nemese odan joǵary paıyzyn jınaǵan oqýshylar Zııatkerlik mektepter bazasynda ótetin kúndizgi sabaqtar jáne konkýrstyq irikteý testileýiniń beıindik pánderi boıynsha keńes alýǵa Kanıkýlıarlyq mektepke shaqyrylady.
Vırtýaldy jáne Kanıkýlıarlyq mektepterde oqý oqýshylarǵa Nazarbaev Zııatkerlik mektebine túsýge daıyndyqty bastaýǵa, oqýdyń tıimdiligin arttyrýǵa, qajetti daǵdylaryn shyńdaýǵa jáne oqýǵa yntalaryn arttyrýǵa kómektesedi.
Mańǵystaý oblysy
