Qazaqstan halqy Assambleıasy atalǵan aksııa aıasynda 21-26 naýryz aralyǵynda jalpy kólemi 3,5 mıllıon teńgeni qamtıtyn materıaldyq kómek kórsetti. Buǵan qosa óńir-óńirde 500-den asa otbasyǵa kómek qolyn sozyp, 100 myńnan asa medısınalyq maskany tegin úlestirdi.
«Biz birgemiz!» aksııasyna Nur-Sultan qalalyq Qazaqstan halqy Assambleıasynyń músheleri de belsendi qatysyp, az qamtylǵan kópbalaly otbasylarǵa jáne qart adamdarǵa qamqorlyq kórsetip jatyr.
Elordadaǵy «Parasat» qaıyrymdylyq qyzmetin úılestirý ortalyǵy kópbalaly 15 otbasyǵa eń qajetti taýarlar túrinde 150 myń teńgege kómek kórsetti.
Assambleıa eriktileri zeınetkerlerge dári-dármek jetkizý, maskalar taratý bastamalaryna da qolǵabys etti. Sondaı-aq olar PIK ókilderimen birge turǵyn úılerdiń kireberisine sanıtarlyq tazalyq júrgizdi.
Nur-Sultan qalasynda osy ýaqyt aralyǵynda jalpy somasy 1 mln 350 myń teńge bolatyn kómek kórsetildi.
