Mundaıǵa qalaı eljiremeısiń, kómek bergiń kelip ketedi. Alaıaqtyń aıtqanyna kónip, aýyldyń talaı ashyq aýyzy «onyń aqshasyn» ápere qoımaq bolyp, sońyna ergen. Alaıaq ańqaýdy «Kredıtomat» degen fırmanyń termınalyna alyp baryp, onyń atyna qujattarynyń negizinde aqsha suratqan. Fotografııaǵa túsý qajet bolǵanda da aýyldyq aǵaıyndy kameraǵa jaqyndatqan. Qysqasy osyndaı ádispen onyń atyna nesıe rásimdep otyrǵan. О́ziniń atyna nesıe rásimdelgenin artynan ǵana bilgen aýyldyń ashyq aýyzdary sanyn bir-aq soqqan.
Oqıǵanyń bári «Muhıt» saýda ortalyǵy men sonyń janyndaǵy ortalyq saýda alańynda bolǵany anyqtaldy. Basqa jerge «Sreditomat.kz» termınaly qoıylmaǵan bolsa kerek.
Petropavl polısııasy osy derekterdi basshylyqqa ala otyryp, qalanyń kúdik keltirgen 1981 jyly týǵan turǵynyn ustady. Ol buǵan deıin de birneshe ret múliktik qylmystar jasaǵany úshin jaýapkershilikke tartylǵan eken. Odan ári zardap shegýshiler de ony aınytpaı tanyǵany anyq. Sóıtip, qazir onyń ústinen Qylmystyq kodekstiń «Alaıaqtyq» baby boıynsha is qozǵalyp, tergeý júrip jatyr.
Barlyq álem koronovırýstan saqtanýdyń joldaryn izdep shaldyǵyp júrse osyndaı aramza alaıaqtar halyqty aldaýdyń jeńil jolyna shyǵypty.
PETROPAVL
