Osy úndeýge Qazaqstan halqy Assambleıasy da atsalysyp, #bizbirgemiz respýblıkalyq aksııasy aıasynda 21-26 naýryz aralyǵynda jalpy alǵanda 3,5 mıllıon teńgege jýyq somaǵa materıaldyq kómek kórsetti, sondaı-aq 500-den astam otbasyna qoldaý kórsetip, óńirlerde 100 000-nan astam betperdeler tegin taratyldy.
2020 jylǵy 20-26 naýryz kúnderi «Biz birgemiz!» aksııasy aıasynda Nur-Sultan qalalyq Qazaqstan halqy Assambleıasynyń músheleri az qamtylǵan kóp balaly otbasylarǵa jáne qart adamdarǵa kómek kórsetý boıynsha qaıyrymdylyq is-sharalar ótkizdi. «Parasat» qaıyrymdylyq qyzmetin úılestirý ortalyǵy kóp balaly 15 otbasyna birinshi qajettiliktegi taýarlar túrinde 150 myń teńge somaǵa kómek kórsetti. Assambleıa volonterleri zeınet jasyndaǵy adamdarǵa dári-dármek jetkizý, betperdeler taratý boıynsha aksııalarǵa qatysty, PIK ókilderimen birge qalanyń turǵyn úıleriniń kireberisine sanıtarlyq óńdeý júrgizdi. «Biz birgemiz!» aksııasy aıasynda 1 mln. 350 myń teńge kóleminde qaıyrymdylyq kómek kórsetildi.
Naýryz meıramy qarsańynda «Vozrojdenıe» nemister qoǵamy egde jastaǵy jalǵyz basty adamdarǵa 100 dana azyq-túlik jıyntyǵyn taratty, sondaı-aq jalpy somasy 1 mln 200 myń teńgeden astam qarajatqa dári-dármekter satyp alyndy.
Almaty qalasynda Qazaqstan halqy Assambleıasynyń «Jańǵyrý joly» respýblıkalyq jastar qozǵalysynyń volonterleri, QHA músheleri men «Miss Almaty» baıqaýyna qatysýshylar metropolıten, qoǵamdyq kólik jáne ortalyq kóshelerde almatylyqtarǵa 5000 medısınalyq betperdelerdi tegin taratty.
