Aıta keteıik, tótenshe jaǵdaı kezinde (apat jáne t.b.) oblys halqyn aýyz sýmen qamtamasyz etý maqsatynda 180 000 tekshe metr aýyz sý qory bar. Bul týraly oblystyq energetıka jáne turǵyn úı-kommýnaldyq sharýashylyq basqarmasynyń basshysy Aıdos Hamıev MO Qoǵamdyq kommýnıkasııa ortalyǵynda málimdedi.
Qazaqstan Respýblıkasy Prezıdentiniń Covid-19 ınfeksııa jaǵdaıy týraly jáne krızıske qarsy sharalar jónindegi tapsyrmalaryn oryndaý úshin, oblys ákimdigimen tutynýshylardyń kommýnaldyq qyzmetterdi tóleýge qatysty kommýnaldyq qyzmet kórsetýshi mekemelermen tıisti jumys atqaryldy.
Nátıjesinde, Qazaqstan Respýblıkasy aýmaǵynda tótenshe jaǵdaı aıaqtalǵanǵa deıin Mańǵystaý oblysynyń barlyq tutynýshylary úshin qaryzdardy óndirip alýdy toqtata turý sharalary qabyldanyp, kommýnaldyq qyzmet túrlerimen (elektr energııasy, gaz, jylý, sý) úzdiksiz qamtamasyz etiletin bolady.
Bul rette, turǵyndar kommýnaldyq qyzmetterge aqy tóleýden bosatylmaǵanyn, tek tótenshe jaǵdaı aıaqtalǵanǵa deıin qajetti jaǵdaıda ǵana kelisimmen tólemderdi keshiktiririp tóleýge bolady.
Oblys boıynsha kóp páterli turǵyn úılerde dezınfeksııa jasaý jumystary da josparǵa sáıkes atqarylýda.
Aqtaý qalasy boıynsha 78 basqarýshy organ (KSK, PKSK, IP, TOO) jáne 1062 kóp páterli turǵyn úı bar.
Kóp páterli turǵyn úılerdiń dálizderin deznıfeksııalaý jumystary basqarýshy organ qyzmetkerleriniń jáne turǵyndardyń kúshimen kúnine kem degende bir, eki retten júrgizilýde.
Atap aıtqanda turǵyn úıde adamdar kóp paıdalanatyn oryndardy (lıftter, dálizder, esik tutqalary, domofon qurylǵylary) dezınfeksııalaý qospalarmen tazalaý jáne profılaqtıkalyq jumystary júrgizilýde.
Sondaı-aq, Jańaózen qalasy boıynsha 29 basqarýshy organ jáne 262 kóp páterli turǵyn úılerden quralǵan.
Qalǵan aýdandarda jergilikti ákimdik, basqarýshy organ qyzmetkerleriniń jáne turǵyndardyń kúshimen dezınfeksııa júrgizilýde (Munaıly aýdany – 85 KPTÚ, Qaraqııa aýdany – 119 KPTÚ, Beıneý aýdany 90 KPTÚ, Mańǵystaý aýdany –45 KPTÚ, Túpqaraǵan aýdany – 27 KPTÚ).
Atalǵan jumystardy uıymdastyrý jáne baqylaý qalalar men aýdandar ákimdikterimen iske asyrylýda.
Mańǵystaý oblysy boıynsha 301 suıytylǵan munaı gazyn quıý beketi jumys isteıdi. Baǵasy bekitilgen erejelerge sáıkes 50 teńgeden 60 teńgege aralyǵynda. Alaıda, suıytylǵan munaı gazyn tutynýdyń kúrt tómendeýine baılanysty keıbir beketter gazdy 47 teńgeden satyp jatyr.
О́ńirde 3 myń tonna suıytylǵan gaz qory bar.
