Jańaózen qalasynyń polıseıleri 93-den astam kólik pen 100-ge jýyq jolaýshylardy teksergen. Álemdi dúr silkintken indettiń aldyn alý maqsatynda Jańaózende keshendi qaýipsizdik sharalary júrgizilýde. 20 naýryzdan bastap Túrkimenstan-Kendirli-Jańaózen baǵytyndaǵy blok-beketteri qoıylyp sanıtar mamandar men jergilikti polıseıler táýlik boıy qyzmet etedi. Jalpy, Jańaózen qalasy boıynsha 2 blok-beketter iske qosylǵan. Bul beketterde polıseıler jáne medısına mamandary árbir kólikti toqtatyp, arnaıy qurylǵymen azamattardyń dene qyzýlaryn ólshep, tekseristen ótkizýde. Odan bólek áleýmettik, kásipkerlik nysandar men adam kóp jıylatyn qoǵamdyq oryndardyń jumys jasaý rejımi ózgertilip, shekteýler qoıyldy. Aldyn alý sharalarynyń barlyǵynda Jańaózen qalasy Polısııa basqarmasynyń qyzmetkerleri qarqyndy jumys jasap, kúsheıtilgen qyzmetke kirisken. Tártip saqshylary respýblıkalyq mańyzy bar avtojoldardarda qyzmettik kólikterimen jumyldyrylyp, jedel áreket etýde. Jańaózendik polıseıler beketterde saǵat saıyn baqylaý jasap, kezekshilikpen qyzmet atqarýda.
Mańǵystaý oblysy
