Sondaı-aq 2020 jylǵy 22 naýryzdan bastap Úkimet jekelegen taýarlardy Qazaqstannan shyǵarýǵa tyıym saldy. Olardyń qatarynda qaraqumyq, un, qant, kartop, sábiz, shomyr, qyzylsha, pııaz, oramjapyraq, kúnbaǵys dáni, kúnbaǵys maıy bar.
Memlekettik kirister komıteti bul taýarlarǵa eksporttyq kedendik baqylaýdy kúsheıtip, «ASTANA-1» elektrondy deklarasııalaýdyń aqparattyq júıesinde olardy eksporttaýǵa tyıym saldy.
Qarjy mınıstrligi, Shekara qyzmeti jáne Densaýlyq saqtaý mınıstrliginiń birlesken sheshimine saı, ádettegi júıe boıynsha jumys isteıtin júk ótkizý beketteri belgilendi.
Osylaısha, Qytaı Halyq Respýblıkasy men Qazaqstan arasynda «Nurly jol» jáne «Dostyq» ótkizý beketteri (avtokólikter úshin) jumys isteıdi.
Barlyq halyqaralyq shekara beketterindegi ótkizý pýnktterinde sanıtarly-karantındik baqylaý kúsheıtilgen. Sanıtarlyq-epıdemıologııalyq qyzmet jumysshylary jumyldyrylǵan, ótkizý beketteri jylý sezgish quraldar jáne pırometrlermen jaraqtandyrylǵan, naýqas adamdar anyqtalǵan jaǵdaıda, olardy ýaqytsha oqshaýlaýǵa arnalǵan em-sharalyq bólmeler qarastyrylǵan.
