Aǵylshyn tiliniń negizderin úıretý maqsatynda ótkiziletin onlaın kýrsty biliktiligi joǵary maman – Krıstına Iаıchnıkova júrgizedi. Sabaq berýshiniń aıtýyna qaraǵanda, buǵan deıin ol aǵylshyn tilin qashyqtyqtan úıretýden biraz tájirıbe jınap úlgergen.
«Meniń basty ustanymdarymnyń biri – «О́zińe ǵana emes, ózgege de jaqsylyq jasaýdy umytpaý». Men osyǵan deıin onlaın rejımde sabaq berýden biraz tájirıbe jınadym. Karantın ýaqytynda sol tájirıbemen bólisýdiń sáti túsip otyr. Sabaqty onlaın rejıminde júrgizý barysynda aǵylshyn tilin az ýaqyt ishinde meńgerý tásilderin de úıretýge tyrysamyn. Kýrsta biz grammatıka negizderin qarastyratyn bolamyz. Al jaqsy nátıjelerge qol jetkizý maqsatynda úı tapsyrmalary berilip, keıingi sabaqta qatysýshylardyń ony qalaı oryndaǵandyǵyn tekseremiz», – deıdi Krıstına Iаıchnıkova.
Aıta keteıik, atalmysh sabaqtar aptasyna bir ret áleýmettik jelidegi @ennnglish paraqshasynda jáne You tube kanalynda (https://www.youtube.com/channel/UCjmxlG0R_ItNkUZLucXZDVA) tikeleı efırde júrgiziletin bolady. Ár sabaqtyń uzaqtyǵy: 1 – 1,5 saǵat. 2 aıǵa sozylatyn tegin kýrstyń alǵashqy sabaǵy 1 sáýirge belgilengen.
