Almaty oblysynda búgingi tańda «Almaty – Nur-Sultan» avtomobıl jolynyń 45-59 shaqyrymynda, «Almaty – Bishkek» jolynyń 25-27 shaqyrymynda shuńqyrlardy jamaý jumystary bastaldy. Jóndeýmen qamtylǵan joldardyń jalpy aýdany 80 myń sharshy metrdi quraıdy. Atalmysh jumystar eki aı ishinde aıaqtalady dep josparlanýda. Sharalarǵa mamandandyrylǵan tehnıkanyń 7 birligi men 20-dan astam maman jumyldyrylǵan. Sondaı-aq, munda joldardyń qozǵalys bóligin tańbalaý, jaryqtardy joıý jumystary bastaldy.
Túrkistan oblysynda «Jızaq – Gagarın – Jetisaı – Asyqata – Saryaǵash – Jibek joly» jolynda shuńqyrlardy jamaý jumystary júrgizildi. Budan bólek, joldyń qozǵalys bóligin tańbalaý, jol belgilerin ornatý jumystary aıaqtalǵan.
Jambyl oblysyndaǵy joldardyń 8 myń sharshy metrinde shuńqyrlardy jamaý jumystary júrgiziledi dep josparlanýda. Jol qyzmetteri mundaı jumystardy «Almaty – Tashkent – Termez» jolynyń 239-240 shaqyrymynda aıaqtaǵan. Qazirgi tańda joldardy tańbalaý jáne jol boıyn tazalaý jumystary júrgizilip jatyr.
Aıta keteıik, 2020 jyly Qazaqstan joldarynyń shamamen 484 myń sharshy metrinde shuńqyrlardy jamaý jumystary júrgizilmek. Joldardyń 28 myń shaqyrymy tańbalanyp, 12 myń jol belgileri aýystyrylady dep josparlanýda.
