Kádimgi tumaýǵa tap boldym ba dep, temperatýrasy kóterilgen soń aýrýhanaǵa barǵanda qan alǵan dáriger onyń boıyndaǵy ınfeksııa koronavırýske uqsas ekenin baqylaǵan. Qazir áıel oblys ortalyǵyndaǵy ınfeksııalyq aýrýhananyń oqshaýlanǵan bólimine jetkizilip, qatań baqylaýǵa alynǵan. Infeksııa materıaldary dereý Almatyǵa jiberilgen.
Osy áıelmen qarym-qatynasta bolǵan barlyq jandar anyqtalyp, qazir tekserýge alynǵan. Soltústik Qazaqstanda qazir jalpy sany 44 adam provızorlyq stasıonarda, 30 adam karantınde jáne 494 adam óz úılerinde oqshaýlanǵan.
Boıynda qaterli indeti bar degen kúdik keltirgen áıeldiń densaýlyǵy qazir birqalypty. Dene qyzýy da ortasha deńgeıge túsken.
Soltústik Qazaqstan oblysy
