Bul týraly AQSh tennıs federasııasynyń basshysy Dennı Zaýsner aıtty. Onyń paıymdaýynsha, tennısten AQSh ashyq chempıonatyn koronavırýs pademııasyna baılanysty keıinge shegerýge esh negiz joq.
– Biz kún saıyn US Open jarysyn óz ýaqytynda bastaý úshin jumys istep jatyrmyz. Jospar boıynsha týrnırdiń irikteý jarystary 24 tamyzda bastalady. Jazdyń sońyna deıin sportshylar óz babyn saqtap, jarysqa qatysady degen oıdamyn, deıdi Dennı Zaýsner.
Tennısten AQSh ashyq chempıonaty jyl saıyn dástúrli túrde jazdyń sońy men kúzdiń basynda AQSh-tyń Nıý-Iork qalasynda ótedi. Bıylǵy birinshilik 31 tamyz ben 13 qyrkúıek aralyǵyna josparlanǵan.
Aıta keteıik, buǵan deıin koronavırýs indetiniń taralýyna baılanysty taǵy bir «Úlken dýlyǵa» sanatyndaǵy Ýımbldon týrnıri bıyl ótpeıtin boldy. Brıtanııadaǵy jarys 29 maýsym men 12 shilde aralyǵynda ótýi kerek edi.
