- Prezıdent Qasym-Jomart Toqaev tótenshe jaǵdaı kezinde tabysynan aıyrylýyna baılanysty 42 500 teńge járdemaqy alatyn azamattardyń tizimi keńeıtiletinin málimdegeni belgili. Osyǵan oraı atalǵan járdemaqyny tóleýdiń tártibi barynsha jeńildetildi, — dedi Maqsut Pernebaıuly.
M.Isahovtyń aıtýynsha, endigi jerde járdemaqyǵa ótinish berý úshin elektrondy sıfrlyq qoltańbanyń bolýy mindetti emes.
Aldymen, ESQ arqyly nemese kórsetilgen nómirge SMS habarlama jiberý arqyly bir rettik parolmen elektrondy úkimet portalynda tirkelý kerek. Oń jaq buryshta aty-jónińiz shyǵady, soǵan basyp, «Elektrondy ótinishter» servısin tańdaý kerek. «Memlekettik qyzmettiń ataýy» degen baǵannan «Tótenshe jaǵdaı kezeńinde mindetti áleýmettik saqtandyrý júıesiniń qatysýshylaryna áleýmettik tólem taǵaıyndaý» deıtin qatardy tańdaısyz. О́z oblysyńyzdy nemese respýblıkalyq mańyzdaǵy qalany tańdaý qajet. «Alýshy» degen jolǵa óz qalańyz boıynsha «Jumyspen qamtýdy úılestirý jáne áleýmettik baǵdarlamalar basqarmasyn» kórsetý, «Mazmuny» degen jerge «Tótenshe jaǵdaı kezeńinde mindetti áleýmettik saqtandyrý júıesiniń qatysýshylaryna áleýmettik tólem taǵaıyndaý» dep kórsetý kerek.
Budan soń aty-jónińizdi, meken-jaıyńyz, JSN, telefon nómiri jáne ekinshi deńgeıli banktegi esepshot nómirin kórsetip, erkin formada ótinish toltyrasyz. О́tinishte qaı jerde, qandaı jumys istegenińizdi, qaı ýaqyttan bastap tabystan aıyrylǵanyńyzdy kórsetseńiz jetkilikti.
Járdemaqy resmı tirkelmegen jumysshylarǵa (taksı júrgizýshileri, saýdagerler, arba aıdaıtyn azamattar, júk tasýshylar, shashtarazdar, daıashylar jáne t.b. ) da tólenedi. Bir ǵana talap — resmı tirkelmeı jumys istegen azamattar sońǵy 11 aıda eń keminde BIR RET BIRYŃǴAI JIYNTYQ TО́LEM tólegen bolýy shart. Onyń kólemi: qalalarda – 1 AEK (2 650 teńge), aýyldy jerde – 0,5 AEK (1 325 teńge).
Eger buǵan deıin biryńǵaı jıyntyq tólem jasamaǵan bolsańyz endi tóleý arqyly da járdemaqyǵa qol jetkizýge bolady. Bul tólemdi kez kelgen ekinshi deńgeıli banktiń mobıldi qosymshasy arqyly tóleýge bolady.
Mundaı múmkindigi joq azamattar qarapaıym uıaly telefon arqyly da biryńǵaı jıyntyq tólem tóleý múmkindigi qarastyrylǵan. Ol úshin 5505 qysqa nómirine latyn grafıkasyndaǵy bas áriptermen «GOROD ESP + JSN nómir» (aýylda tursańyz «SELO ESP + JSN NО́MIRI») degen habarlama jiberesiz. SMS habarlama jiberý úshin uıaly telefon nómirińizdiń teńgeriminde jetkilikti qarajat bolýy tıis.
Áleýmettik saqtandyrý qory ótinish berilgen ýaqyttan bastap 1 jumys kúniniń ishinde sheshim qabyldaıdy. Járdemaqy 3 jumys kúninen keshiktirilmeı alýshynyń esepshotyna túsedi.
M.Isahovtyń aıtýynsha, E-GOV portalyna qosylýǵa múmkindik bolmasa, Telegram messendjeri nemese www.enbek.kz saıty arqyly da ótinish joldaýǵa múmkindik bar.
