Onyń aıtýynsha, jumysshylardyń eńbekaqysy 85 myń teńgeden tómen emes 242 myń jumys orny ashylady. Jol kartasynyń talaptary men sharttary boıynsha keminde 90% otandyq jumyskerler bolýy tıis. Jumysqa tartylǵan qyzmetkerlerdiń keminde jartysy jumyssyz jastarǵa basa nazar aýdara otyryp, halyqty jumyspen qamtý ortalyqtary arqyly tartylýy tıis.
О́ńirlerdegi jumyssyz jastar da jol kartasynyń jobalaryna qatysa alady. Olarǵa 85 myń teńge kóleminde kóterme aqy tólenbek.
Sonymen qatar jol kartasy aıasynda júzege asyrylatyn jobalardyń 35%-y áleýmettik sala nysandaryna, 34%-y ınjenerlik-kólik ınfraqurylymyn jańǵyrtýǵa, 14%-y turǵyn úı-kommýnaldyq máselelerdi sheshýge, 17%-y eldi mekenderdi abattandyrýǵa baǵyttaldy.
Buǵan qosa, jumyspen qamtý boıynsha «Eńbek» baǵdarlamasy da iske asyrylýda. Bul baǵdarlamany júzege asyrýǵa qosymsha 50 mlrd teńge bólinip, 136 myń jumys orny ashylady dep kútilýde.
Bıyl jumyspen qamtýdyń jol kartasy aıasynda 600 myńnan astam adam jumysqa ornalasady dep josparlanǵan.
