Aımaqtar • 03 Sáýir, 2020

Shymkent qalasy aýmaǵynda 4 sáýir saǵat 21:00-de karantın jarııalanady

731 ret kórsetildi

Búgin Shymkent qalasynyń ákimi Murat Áıtenov álemdi jaılaǵan koronavırýs indetinen saqtaný úshin qala turǵyndaryna resmı málimdeme jasady. 

«Shymkent qalasynda taǵy 8 adamnan koronavırýs anyqtaldy. Onyń barlyǵy qaýipti indet anyqtalǵan úshinshi naýqastyń týystary men jaqyndary. 1 sáýirden bastap barlyǵy oqshaýlanǵan.  Oryn alǵan jaıtqa baılanysty, azamattarymyzdy qorǵaý jáne ınfeksııanyń ary qaraı taralýynyń aldyn alý maqsatynda atalǵan otbasy turǵan Taımanov kóshesi men oǵan jaqyn ornalasqan Sársenbaev jáne Súleımenov kóshelerin karantınge jabyldy. 7 blok-beket qoıyldy.

Barlyq profılaktıkalyq sharalar tıisti deńgeıde júrgizilip jatyr. Búgingi tańda Shymkentte koronavırýs ınfeksııasyn juqtyrǵan turǵyndar sany – 11.
Zertteýlerge sáıkes, qaýipti indet anyqtalǵan árbir jaǵdaı vırýsty jappaı juqtyrýǵa ákep soǵýy múmkin. Onyń sońy nege ákeletinin biz jaqsy túsinemiz. Sondyqtan oqshaýlaýdyń qatań túri ǵana qaýipti indet taralýynyń aldyn alady.

Mundaı jaǵdaıda ózin-ózi oqshaýlaý ǵana qala turǵyndaryn aman alyp qalatyndyǵyn taǵy da eskertemiz.
О́kinishtisi, turǵyndardyń kópshiligi qaýip qaterdi jetkilikti dárejede túsinbeýde, sebebi qala kóshelerinde qozǵalys áli de kóp.

Azamattardyń ómiri men qaýipsizdigin, densaýlyǵyn saqtaý maqsatynda jáne Tótenshe jaǵdaı jónindegi memlekettik komıssııanyń kelisimimen 2020 jylǵy 4 sáýir saǵat 21.00-den 15 sáýir aralyǵyndaǵy kezeńde Shymkent qalasy aýmaǵynda karantın jarııalanady. Karantın mynandaı shekteý sharalaryn qamtıdy:

Birinshiden, karantın kezinde Shymkent qalasy bas sanıtarynyń qaýlysynda kórsetilgen mekemelerden bólek menshik nysanyna qaramastan barlyq mekemelerdiń jumysy toqtatylady. Ol mekemelerdiń tizimin ákimdiktiń resmı saıty men áleýmettik jelilerde jarııalaımyz. Qoǵamdyq demalys oryndary, sonymen qatar saıabaqtar men balalar alańshalaryna barýǵa bolmaıdy.

Ekinshiden, turǵyndar men kóliktiń barlyq túrine Shymkent qalasynan shyǵýǵa jáne qalaǵa kirýine tyıym salynady. Bul shekteýdiń Qaýlyda kórsetilgen belgili azamattar men kólikterge qatysy joq. Olardyń da tizimi jarııalanady.

Úshinshiden, qala aýmaǵynda shaǵyn mıkroavtobýstardyń qozǵalysyna tyıym salynyp, olardyń baǵyttary boıynsha avtobýs qozǵalysy qoıylady. Qalaishilik qoǵamdyq kólik qozǵalysy tańǵy 7.00-den 19.00-ge deıin ǵana júzege asady.

Tórtinshiden, qala aýmaǵyndaǵy zalalsyzdandyrý sharalary karantın merzimi aıaqtalǵanǵa deıin kúsheıtiletin bolady.

Besinshiden, azamattardyń júrip-turýyna shekteý qoıylady. Bul turǵyndardyń ózin-ózi oqshaýlaýy úshin jaǵdaı jasaýǵa baǵyttalyp otyr. Mundaı shekteýler medısına qyzmetkerlerine, quqyq qorǵaý organdarynyń ókilderine, qala tynys-tirshiligin qamtamasyz etýshi kommýnaldyq mekeme qyzmetkerlerine qoldanylmaıdy.
Qala turǵyndary tolyqtaı shekteý kezinde úılerinen azyq-túlik, dári-dármek, medısınalyq kómek, bank jáne poshta qyzmetterin alý úshin ǵana shyǵa alady.

Sońǵy kúnderi áleýmettik jelilerde tarap jatqan túrli negizsiz aqparattar taralýynyń aldyn alý maqsatynda, qala aýmaǵynda kommendattyq saǵat ázirshe engizilmegenin resmı túrde málimdeımin. Degenmen tótenshe jaǵdaı kezindegi talaptardy oryndaýymyz kerek. Karantın rejımin buzǵan azamattardy quqyq qorǵaý organdarynyń patrýldik qyzmeti anyqtaıtyn bolady. Sebebi óziniń densaýlyǵyna nemquraıly qaraǵan azamattardyń áreketinen turǵyndardyń basym bóligi zardap shekpeýi tıis dep sanaımyn.

Altynshydan, Shymkent qalasynyń aýmaǵyndaǵy tótenshe jaǵdaı jáne karantın kezinde 55 jastan asqan turǵyndarǵa asa bir qajettiliksiz kóshege shyqpaýdy usynamyz.

Jetinshiden, karantın kezinde tizim boıynsha jumysy toqtamaǵan barlyq mekemeler qyzmetkerin jumys orny týraly anyqtamamen qamtamasyz etýi shart.

Segizinshiden, azyq-túlik bazarlarynyń jumys ýaqyty 10:00-den 18:00-ge deıin, qadamdyq qashyqtyqtaǵy azyq-túlik dúkenderiniń jumys ýaqyty 10:00-den 21:00-ge deıin bolyp qalady.

Toǵyzynshydan, barlyq qoǵamdyq tamaqtaný oryndary jetkizip berý rejımine kóshedi.

Onynshydan, azamattardyń qala aýmaǵynda jeke kóligimen júrýine tyıym salynady. Bul talap tizimge kiretin mekeme qyzmetkerlerine qoldanylmaıdy jáne ol azamattardyń qolynda jumys orny bergen anyqtama bolýy kerek. Sondaı-aq jeke kólikpen úıiniń janynda ornalasqan azyq-túlik pen birinshi kezektegi taýarlar, medısınalyq quraldar alýǵa jáne jedel jaǵdaılarda medısına uıymdaryna kómek alýǵa barýǵa bolady» delingen qala ákiminiń málimdemesinde. 

Sońǵy jańalyqtar

Aldaǵy kúnderi kún sýytady

Aýa raıy • Búgin, 11:55

Shymkentte transformator órtendi

Oqıǵa • Búgin, 10:17

Rýhanı muralar din ókilderine tanystyryldy

Rýhanııat • Búgin, 08:34

Ýaqytpen birge túlegen

Ádebıet • Búgin, 08:33

Baladan qashqan bezbúırek

Qoǵam • Búgin, 08:31

Stýdentter ara baǵyp júr

Bilim • Búgin, 08:28

Masa mazany ala bastady

Aımaqtar • Búgin, 08:27

Qalypty uıqy – qýat kózi

Qoǵam • Búgin, 08:26

Bereshek – 24,3 mlrd teńge

Ekonomıka • Búgin, 08:24

Genderlik bıýdjet qurý – ózekti mindet

Ekonomıka • Búgin, 08:23

Úzdikter anyqtaldy

Qoǵam • Búgin, 08:21

Jurtshylyqqa qaraı jańa qadam

Aımaqtar • Búgin, 08:19

Alǵa umtylǵan Aqmola

Aımaqtar • Búgin, 08:17

Ashyq qoǵamnyń aıqyn kórinisi

Qazaqstan • Búgin, 08:15

Erkin kúrestiń erleri anyqtaldy

Sport • Búgin, 08:10

Uqsas jańalyqtar