Bortynda Ishki ister mınıstriniń orynbasary Iýrıı Ilın, SQO ákiminiń orynbasary Anton Fedıaev, IIM TJK SQO TJ departamentiniń bastyǵy, azamattyq qorǵaý polkovnıgi Ramıl Kamalov bar tikushaq Aıyrtaý, Ǵ.Músirepov, Shal aqyn, Esil jáne Qyzyljar aýdandary men Petropavl qalasynyń aýmaǵyn aralap, ushyp ótti.
Tikushaqtaǵy top Imantaý, Kishi Toranǵul jáne Úlken Toranǵul kólderindegi muz jaǵdaıynyń qaýpin baǵalady. Oblystyń basty sý arterııasy – Esil ózeni men onyń - Sharyq, Aqanburlyq, Babyqbýrlyq, Imanbýrlyq, Jembaraq, Qamyqsaqty sııaqty saǵalaryna erekshe nazar aýdaryldy. Sondaı-aq Sergeev sý qoımasynyńbógeti tekserildi.
Basshylar sý tasqyny jaǵdaıyn muqııat qarapjáne jaǵdaı shıelenisken bolsa halyqty qalaı qorǵaý sharalaryn josparlady. Mundaı josparlar burynnan bar bolatyn. Ushý barysynda kóktemgi sý tasqyny qaýpi men qaterlerinen halyqty qorǵaý boıynsha júzege asyrylatyn jáne josparlanǵan burynǵy is-sharalarǵa túzetýler engizildi.
Jalpy, bıylǵy ylǵal qory oblystyń ońtústik óńirinde – Aıyrtaý, Ǵ. Músirepov, Tımırıazev aýdandarynda jyldaǵy shamadaǵydaı. Al oblystyń ortalyq, soltústik jáne soltústik-shyǵys bólikterinde qar jamylǵysy túgeldeı derlik juqaryp, qaýipti jaǵdaıdy seıiltti.
Sý tasqyny qaýpine qarsy jedel áreket etý úshin quramynda 484 adam, 155 birlik tehnıka, 8 birlik júzý quraldary jáne 72 birlik motopompa bar TJD kúshteri men quraldary top daıyndyq sapynda tur.
Sonymen qatar sý tasqyny jaǵdaıyna monıtorıng júrgizý jáne aldyn alý is-sharalaryn oryndaý maqsatynda Ǵ.Músirepov, Ýálıhanov jáne Aıyrtaý aýdandaryna TJ departamenti vedomstvolyq baǵynystaǵy bólimshelerinen 9 birlik tehnıka, jeke quramynan 40 adam, 5 birlik júzý quraldary jáne 7 motopompa kúshteri men quraldaryn toptastyrǵan. Búgingi kúnge deıin óńirdegi kóktemgi qadamdary sáttilikpen bastaldy. Kún jarqyrap, aýa raıy kúnnen kúnge jylylyqqa bet burýda. Endi tek qarǵyn asaý minez tanytpasa bolǵany. Ar jaǵynda egis jumystaryna ǵyz tdaıyndyq ta bastylyp ketedi.
Soltústik Qazaqstan oblysy
