Qyzdy ustaýǵa negizgi sebep bolǵan – onyń kámelet jasyna tolmaı ata-analarynsyz kóshege shyqqandyǵy bolyp otyr. Oblystyq sanıtarlyq dárigerdiń karantın jónindegi qaýlysynda osyndaı talap bar kórinedi.
Sonymen, qyz polısııa basqarmasyna jetkizilip, anasy shaqyrtyldy. Oǵan qatysty Ákimshilik quqyq buzýshylyqtar týraly kodekstiń «Tótenshe jaǵdaı rejimin buzý» baby boıynsha ákimshilik hattama toltyrylyp, materıaldary mamandandyrylǵan ákimshilik sotqa jóneltilgen.
Osy buzýshylyqqa adamı kózben qarasaq, durystyqqa jata ma? Polısııanyń mindeti karantın týraly qaýlynyń talabyn perip-uryp, kózsiz oryndaý emes, bar maqsat - adamdardyń saýlyǵyn saqtaýǵa baǵyttalǵandyqtan soǵan qolqabys tıgizý ǵoı. Endeshe 16 jasar qyzdy ustamaı-aq, úıińe bar degen eskertýmen jibere salýǵa bolady ǵoı. Baǵynbaı jatsa – basqa másele. Aıy tolmaǵan-aq shyǵar, biraq 16 jasar qyz óz isine jaýap beretin jasta emes pe? Temirdi de bir-birine bekitkende «jyljý orny» («dopýsk posadkı») degen bolady ǵoı. Adamdarǵa da túsinistikpen qarap, kámelettik jasty tup-týra talap etpeı, ári-bergi 2-3 jylyna keshirim jasaýǵa bolady ǵoı. Negizgi mindet koronovırýstyń taralmaýyn boldyrmaý ǵoı. Al bizdegi saqshylar... jazylǵan nusqaýlyqqa jabysa qalatyn adam emes, robottar sııaqty. Álde janashyrlyǵy – esepti kópirtýmen ǵana shektele me? Qoǵam jaı da qysylyp, tynysy tarylyp turǵanda jasandy tyǵyryq týdyra bermeý kerek qoı...
Polısııadan alǵan aqparattarǵa qaraǵanda Petropavlda bul boıjetkennen basqa da karantın talabyn buzǵan bes jasóspirim ustalǵan. Ár oqıǵa boıynsha tekserý júrgizilip, hattama toltyrylady.
Búgingi tańǵa deıin Soltústik Qazaqstan oblysynda koronavırýstyq ınfeksııany juqtyrýdyń 18 jaǵdaıy tirkeldi.
Soltústik Qazaqstan oblysy
