Bıylǵy 3 sáýir saǵat 18.00-degi jaǵdaı boıynsha tabysynan aıyrylýyna baılanysty áleýmettik tólem taǵaıyndaýǵa jalpy sany 210 834 adam júgindi, onyń ishinde 177 664 adam eGov.kz, al 33 170 adam 42500 enbek.kz saıty arqyly ótinish berdi. О́tinishterdi qaraý jáne áleýmettik tólemderdi taǵaıyndaý merzimi – 3 jumys kúni.
Áleýmettik tólemder barlyǵy 67 328 adamǵa, onyń ishinde proaktıvti formatta, ıaǵnı azamattardyń ótinishterinsiz (biryńǵaı tólemdi tóleýshiler úshin) taǵaıyndaldy.
Esterińizge sala keteıik, tótenshe jaǵdaılar kezinde tabysynan aıyrylý jaǵdaıyna baılanysty MÁSQ-tan áleýmettik tólem mólsheri bir adamǵa aıyna 42,5 myń teńgeni (eń tómengi jalaqy) quraıdy, ol kelesi sanattaǵy azamattarǵa taǵaıyndalady:
- orta, shaǵyn jáne mıkrobıznes sýbektileriniń qyzmetkerleri;
- jeke kásipkerler (budan ári – JK);
- jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator) (budan ári – JP);
- biryńǵaı jıyntyq tólemdi tóleýshiler;
- nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar (budan ári – AQS) boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdar;
- karantın engizilgen eldi mekenderdegi iri bıznes sýbektileriniń qyzmetkerleri.
