Qazaqstan • 06 Sáýir, 2020

Merekelik rásimderdi onlaın rejimde ótkizý múmkindigin qarastyrǵan jón

27 ret kórsetildi

Qazaqstan Respýblıkasynyń Aqparat jáne qoǵamdyq damý mınıstrligine elimizdegi  dinı birlestikter men etnomádenı ortalyqtarynyń basshylarynan, Pesah, Pasha, Ata-analar kúni, Oraza syndy basqa da dinı meıramdardy atap ótý jónindegi ótinishteri kelip túsýde.

Atalǵan merekelerdiń  rýhanı turǵydan mańyzdy ekeni aıqyn. Biz azamattarymyzdyń dinı jáne rýhanı qundylyqtaryna, qalyptasqan salt-dástúrlerine úlken qurmetpen qaraımyz jáne de bul meıramdardyń kópshilik azamattardyń ómirindegi  mańyzdylyǵyn túsinemiz.

Alaıda, búgingi kúni álemniń kóptegen elderin jaılaǵan qaterli vırýstyq indet pandemııasy barshanyń densaýlyǵy men ómirine úlken qaýip tóndirýde. Basym memleketterde  epıdemııaǵa qarsy aýqymdy is-sharalar qabyldanyp, qatań karantınmen azamattardy oqshaýlaý sharalary júzege asyrylýda.  Sonymen birge barsha ujymdyq jáne dinı is-sharalar da shektelýde.

Vırýstyq ınfeksııaǵa qarsy kúres jáne onyń  taralýyna jol bermeý maqsatynda bizdiń elde tótenshe jaǵdaı rejımi engizilip, kóptegen qalalarda karantın ornatyldy. Bul birinshi kezekte bizdiń azamattardyń ómiri men densaýlyǵyn  saqtaý,  aýrýdyń aldyn alý talabynan týyndap otyr.

Aldaǵy meıramdar barysynda dinı jáne rýhanı turǵyda  ǵıbadathanalarda merekelik as berý, krestik sherýler, basqa da dinı rásimderdi ótkizý, eske alý  men jerleý oryndaryna barý qarastyrylǵan. Sonymen birge, bul dinı merekeler barysynda  dástúrli túrde kópshilikke arnalǵan mádenı sharalar uıymdastyrylatyn.

Alaıda, qalyptasqan ahýalda birinshi kezekte adamdardyń ómiri men qaýipsizdigi, densaýlyǵyn saqtaý mańyzdy bolyp tabylady. Osyǵan baılanysty dinı jáne etnomádenı birlestik basshylaryn, barsha azamattardy merekelik merzimde qatań karantın rejimin saqtaýyn suraımyz.

Dinı uıymdardyń merekelik rásimderdi zamanaýı kommýnıkasııa júıelerin paıdalana otyryp, onlaın rejimde ótkizý múmkindigin qarastyrǵany jón.

Aldaǵy kele jatqan merekelermen quttyqtaı otyryp, barsha azamattarǵa densaýlyq pen bereke, birlik tileımiz. Amandyqta júzdeseıik! Biz birgemiz!

Aqparat jáne qoǵamdyq damý mınıstrligi

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar