Italııalyq BAQ ókilderiniń habarlaýynsha, bul týraly fýtbolshynyń súıiktisi Orıana Sabatını málimdegen. «21 naýryzda biz tapsyrǵan test oń nátıje kórsetken bolatyn. Keıin arada úsh kún ótkende bizdiń qan taldamalarymyzda vırýstyń joq ekeni anyqtaldy. Sóıtip biz úshinshi ret test tapsyrǵandy jón kórdik. Úshinshi test qaıta oń nátıje berdi. Shynyn aıtqanda, bul testtiń qalaı jumys isteıtinin bilmeı dal bolyp otyrmyz», deıdi Sabatını.
Osy kúnge deıin «Iýventýstiń» úsh fýtbolshysynan koronavırýs indeti anyqtaldy. Olardyń arasynda Dıbaladan bólek, komandanyń fransııalyq jartylaı qorǵaýshysy Blez Matıýıdı men ıtalııalyq qorǵaýshy Danıele Rýganı bar. Al jalpy dúnıejúzi boıynsha 30-dan asa fýtbolshy koronavırýs juqtyrǵan.
