Sportshy koronavırýstyń Qytaıdan shyqpaǵanyna senimdi. Kóp el úkimeti turǵyndardy baqylaýda ustaǵysy keletindikten jańa vırýs taratqan.
«Koronavırýs myna elden, koronavırýs ana elden shyqty degen aqparat men sekildi sizdi de jalyqtyrǵan shyǵar. Siz álemde engizilip jatqan 5G ınterneti indetpen baılanysy bar dep oılamaısyz ba? Muny adamdar ádeıi jasady. Bálkim turǵyndardy baqylaýda ustaý úshin uıymdastyrylǵan bolýy da múmkin. Olardyń maqsaty jer sharynan adam sanyn azaıtý, ásirese qarııalardy. О́ıtkeni bul dertten qart kisiler birinshi zardap shegip jatyr», deıdi ol.
Sonymen qatar Hannyń aıtýynsha, mobıldi baılanystyń jańa túrin engizetin kezde álemde buǵan deıin de túrli epıdemııalar paıda bolyp otyrǵan.
«Mysaly, 2003 jyly 3G qosylǵan kezde álemde atıpti pnevmonııa tarady. 2009 jyly 4G engizildi, sol jyly álemdi shoshqa tumaýy alańdatty. Qazir 5G engizilip jatyr jáne koronavırýs taraýda. Adamdar meni aljasty deýi múmkin. Basynan kóp soqqy alǵan dep meni oqshaýlaýǵa tyrysýy múmkin. Biraq bul oılanatyn nárse», deıdi boksshy.
