Eki iri megapolıste jumyssyz rejım engizilgeni bekerden beker emes. Bul koronavırýs ınfeksııasynyń taralýyn shekteý maqsatynda qolǵa alynyp otyr.
Karantındi kúsheıtken ýaqyt aralyǵynda belgili bir mekemeler ǵana jumys isteıdi. Atap aıtqanda, jaryq, sý, káriz, qoqys tazalaý syndy qala tirshiligin qamtamasyz etetin júıeler, sonymen qatar, kóshe, aýla, turǵyn úı-jaılarynyń tazalyǵyna jaýapty mamandar, jedelsaty qyzmeti, jol qozǵalysyn uıymdastyrýshylar, poshta, kýrerler men apattyq qyzmetter bar. Munyń syrtynda dárihana, aýrýhana, emhanalar men zerthanalar, azyq-túlik dúkenderi de jumysyn jalǵastyra beredi.
Qurylys - qalanyń qalypty ómirin qamtamasyz etetin sala emes. Sondyqtan karantın rejımine olar da baǵynyp, jumysyn toqtatýǵa tıis. Nursultan qalasy Qalalyq orta sapasy jáne baqylaý basqarmasy ókilderiniń bizge bergen málimeti boıynsha, eger qurylys aýmaǵynda jataqhanalar bolyp, jumysshylar syrtqa shyqpaı jumys isteıtindeı múmkindik bolsa, onda jumysty júrgize berýge bolady. Biraq ol úshin basshylyq sanıtarlyq talaptardy qatań ustap, deınfeksııa jumystaryn júrgizip, mamandaryn maskamen, antıseptıkpen, bir rettik qolǵappen qamtamasyz etýi kerek. Al osy talaptarǵa saı emes qurylys kompanııalary jumys istemeýge tıis, deıdi mamandar.
Qymbat TOQTAMURAT
