Jańa apparattar týraly óziniń tvıt paraqshasynda oblys ákimi Qumar Aqsaqalov málimdedi. «Búgin birinshi qalalyq aýrýhananyń jan saqtaý bólimshesine bardym. Munda naýqastarǵa 10 oryn daıyndalyp, ókpege jasandy ventılısııa jasaıtyn 10 apparat qoıylǵan. Jýyrda osyndaı taǵy 5 apparat aldyq. Qazir oblysta barlyǵy 74 apparat bar.
О́ńirde qatty aýyrǵandar joq. Búgin birinshi naýqas emdelip, úıine barady. Bizdiń dárigerler úlken jumys atqarýda. Olarǵa alǵysymdy bildiremin. Búginde dárigerler eshkimmen baılanys jasamaıdy. Olar bólek qonaq úıde turyp jatyr, barlyq jaǵdaı jasalǵan», - dep jazdy Qumar Aqsaqalov.
Jasandy ventılıasııa jasaıtyn apparat ottegi men qysylǵan aýanyń qospasyn ókpege aıdap, qandy ottegine qanyqtyrady jáne qysymmen kómirtegi gazyn aıdap shyǵady.
Qazirgi apparattarda qospa gazdy ylǵaldandyryp turý úshin qosymsha dóńgelekti rolıgi jáne jylytyp turatyn júıesi de bar. Bul apparatty 1927 jyly F.Drınker men A.Shoem degen ǵalymdar oılap tapqan. Búgingi baǵasy ár elde ártúrli. Máselen, germanııalyq apparattardyń baǵasy 100 myń AQSh dollaryna deıin jetedi, al AQSh-tyń óziniki 70 myń dollar shamasynda. Reseıdiki 300 myń rýbldiń tóńireginde.
Soltústik Qazaqstan oblysy
