О́ńirde óndirilgen 310 myń tonna daıyn ónimniń ishki naryqqa qajeti 60 myń tonna. Al qalǵan 250 myń tonna kókónisti shetelge eksporttaý josparlanǵan bolatyn. Sheteldermen qatynastyń toqtatylǵany azdaı, eldegi meıramhana men dámhanalardan da suranys azaıǵan. Dıqandar amalsyz ónimdi dúkender men bazarlarǵa arzan baǵamen ótkizýge májbúr. Bul nesıesi bar sharýalardy shyǵynǵa batyrýda. Degenmen oblys ákimi О́mirzaq Shókeevtiń der kezinde Úkimetke máseleni jetkizýi nátıjesinde shekteý alynyp, ónimderdiń kvota arqyly ótkiziletini kóńilge demeý.
Sondaı-aq oblystyq aýyl sharýashylyǵy basqarmasy basshysynyń orynbasary Turǵanbek Ospanov berilgen nesıelerdi 1 jylǵa moratorıı retinde sozdyrýǵa ruqsat alynyp jatqanyn aıtady.
«Qazir jer jyrtý jumystary tolyq aıaqtalyp, tuqym sebý naýqany jalǵasýda. Bıyl óńirdegi aýyl sharýashylyǵy daqyldarynyń egis kólemin 825 myń gektarǵa ornalastyrý josparlanǵan. Qalaı bolǵanda da eldegi tótenshe jaǵdaı men qaýipti indet aýyl sharýashylyǵy ónimin óndirýshilerge ońaı tıip turǵan joq», deıdi T.Ospanov.
Búginde sharýalar qaýipsizdik sharalaryn barynsha saqtap, eki ónim alý maqsatynda ter tógýde. Iаǵnı kóktemgi dala jumystary báseńdegen joq.
