«Eriktilerdiń taǵy bir aǵymy mindetti medısınalyq tekserýden ótti. Áskerı qyzmetke jaramdy adamdar tótenshe jaǵdaı rejım qamtamasyz etý aıasynda blok-beketterde qyzmet etedi, eldi-mekender men ınfeksııa oshaqtary bar qala nysandaryn kúzetedi», - dedi Nur-Sultan qalasy qorǵanys isteri jónindegi departament basshysy Aqjoltaı Ýálıahmetov.
«Men áskerı esepke alý jáne shaqyrý bólimine óz erkimmen keldim. Medısınalyq tekseristen ótip, qyzmetke jaramdylar qataryna qosylamyn dep oılaımyn. Árbir áskerı qyzmetker jaýapkershilik tanytyp, qıyn ýaqytta óz eline kómek kórsetýi kerek», - deıdi zapastaǵy áskerı qyzmetker Ersaıyn Balǵabaev.
Aıta keteıik, 3 sáýirde Memleket basshysy Qasym-Jomart Toqaev áskerı qyzmetshilerdi arnaýly jıynǵa shaqyrý týraly jarlyqqa qol qoıdy. Arnaýly jıyn ótkizilgen kezde áskerı qyzmetke shaqyrylýshylar tamaqpen, kıim-keshek jáne jalaqymen tolyq qamtamasyz etiledi.
Áskerı mindettiler qaladaǵy oqý oryndarynyń jataqhanasyna ornalastyrylady. Nur-Sultan qalasyndaǵy arnaýly áskerı daıyndyqqa barǵysy keletinder 32-70-80 telefon nómeri arqyly qalalyq qorǵanys isteri jónindegi bólimge qońyraý shala alady.
