Ulttyq quramalar arasyndaǵy álemdik doda sonaý 1926 jyldan beri uıymdastyrylyp keledi. Alǵashqy kezderi Eýropa ókilderiniń mysy basym bolsa, keıinnen azııalyqtar aldaryna jan salmady. Tarqatyp aıtsaq, 1926-1955 jyldar aralyǵynda Vengrııa quramasy 10 ret top jarsa, Chehııanyń ústel tennısshileri alty márte top jardy. Avstrııa, AQSh jáne Anglııanyń órenderi bir-bir retten jeńimpaz atandy.
1954 pen 2018 jyldar aralyǵynda Shvesııa tórt jáne Vengrııanyń bir ret bas júldeni oljalady. О́zge jarystardyń barlyǵynda Azııa qurlyǵynda ornalaqsan memleketteriniń saıypqyrandary ústemdik qurdy. Sol aralyqta Qytaıdyń qyrandary 21 márte teńdessiz dep tanylsa, Japonııanyń jampozdary jeti ret dara shyqty.
Sondaı-aq sońǵy toǵyz komandalyq álem chempıonatynda Aspanasty eliniń ústel tennısshileri eshkimge ese jibergen joq.
