Sınoptıkterdiń aıtýyna qaraǵanda, sáýirdiń 7-8 kúnderi Reseıdiń Salehard qalasy mańynan kelgen sıklon aýa-raıyn tym sýytyp jiberdi. Onyń arty qarly jańbyrǵa ulasyp otyr. Ońtústik-batystan soqqan jeldiń jyldamdyǵy keıbir jerlerde 30 m/sek deıin jetedi.
Odan ári R.Kamalov 7 sáýirde bolǵan kúshti daýyl oblystyń 7 aýdanynda 24 nysanynnyń tóbesin julyp áketkenin aıtty. Zalal keltirilgen aýmaqtyń jalpy kólemi 8 myń sharshy metr. Japa shekkender Aıyrtaý, Ǵ.Músirepov, Tımırıazev, Taıynsha, Aqjar, Aqqaıyń jáne M.Jumabaev aýdandarynda bolǵan.
Daýyldyń eń kúshti bolǵan jeri Taıynsha, Aqjar, Ǵ.Músirepov jáne Aıyrtaý aýdandarynda baıqalǵan. Bul aýdandardaǵy jeldiń jyldamdyǵy sekýndyna 32-33 metrge deıin jetken.
Tóbesi julynǵandardyń arasynda 6-ýy bilim berý, 5-ýi ákimshilik ǵımarattar, 6-ýy turǵyn úıler, 2-ýi densaýlyq saqtaý, 2-ýi saýda jáne 1-ýi mádenıet salasynyń nysandary. Zardap shekken adamdar da bar. Tımırıazev aýdanynda 1977 jáne 1989 jyldary týǵan eki azamat keltirilgen jaraqattyń kesirinen aýrýhanaǵa túsken.
Birneshe eldimekende elektr jaryǵynyń berilýi úzilgen. Áıteýir ony ýaqytynda sóndirip úlgergendikten apatty jaǵdaıǵa jol berilmegen.
Soltústik Qazaqstan oblysy
