Shaǵyn ózenderde úlken seńder soǵylysyp, aǵyp kete almaı, sý deńgeıin kótere túsýde. Sondyqtan 6-7 sáýirde Esildiń Babyq-burlyq, Aqan Burlyq, jáne Jembaraq ózenderinde seńdi jarý jumystary júrgizildi.
«Tasqyn bastalǵannan beri oblystaǵy respýblıkalyq, oblystyq jáne jergilikti joldardyń ústine sý jaıylýdyń 38 faktysy tirkeldi. Qazir sonyń 27 ýchaskesinde sý qaıtty. Sý basý tek Músrepov, Tımırıazev, Taıynsha, Shal aqyn, Aıyrtaý aýdandaryndaǵy 11 ýchaskede qalyp otyr» deıdi SQO TJ departamentiniń bastyǵy R.Kamalov.
Búgingi tańda oblys aýmaǵyndaǵy 3 sý qoımasyna monıtorıng júrgizilip otyrady. Qazirdiń ózinde Sergeev sý qoımasyndaǵy sýdyń jaıylýy 127 santımetr bolyp otyr. Qoımanyń sýy qalyptaǵydan 22,6 paıyzǵa asyp ketken. Al Petropavl gıdrotorabyndaǵy sý qoımasynyń tolyǵýy 95,7% bolyp otyr. Osylardyń ishindegi eń qaýipsizi ázirge Shaǵalaly sý qoımasy. Onyń tolyǵýy qazir 77,5%.
Ýálıhanov, Tımırıazev, Aıyrtaý jáne Ǵ.Músirepov aýdandaryna oblystyq TJ qosymsha kúshter jibergenin buryn da aıtqanbyz. Qazir olar jergilikti basqarý organdarynyń qyzmetkerlerimen birge tasqynnyń qasiretin boldyrmaı jolynda jankeshti áreketter jasap jatyr. 100-ge jýyq osy qyzmetkerler sýdyń deńgeıin baqylaıdy, seńderdi kesip, kishireıtedi, sý basýy múmkin eldi meken turǵyndary arasynda profılaktıkalyq sharalar jasaıdy.
Soltústik Qazaqstan oblysy
